Málimet boıynsha, agenttik 102 ákimshilik quqyq buzýshylyq týraly hattama toltyrǵan. Sheneýnikter ruqsat berý merzimderin uzartqan jáne tártibin buzǵan, sondaı-aq, olardy berýden negizsiz bas tartqany úshin jazalandy.
Sottardyń sheshimi boıynsha, 54 laýazymdy tulǵa jaýapqa tartyldy, onyń ishinde ortalyq memlekettik organdardyń 12 jáne jergilikti atqarýshy organdardyń 42 qyzmetkeri.
Ákimshilik jaýapqa myna laýazymdy tulǵalar tartyldy:
Mádenıet jáne sport mınıstrligi Týrızm ındýstrııasy komıtetiniń tóraǵasy jáne tóraǵasynyń orynbasary,
Ádilet mınıstrligi departamentiniń dırektory,
Ortalyq memlekettik organdardyń vedomstvo bólimsheleriniń 8 basshysy,
Aqtóbe, Túrkistan jáne Qyzylorda oblystary ákimdikteriniń oblystyq basqarmalarynyń (Aýyl sharýashylyǵy, jer qatynastary, tabıǵı resýrstar jáne tabıǵat paıdalanýdy retteý) 3 basshysy,
Jambyl oblysy Qordaı, Moıynqum aýdanynyń ákimderi jáne 4 aýyldyq okrýg ákimderi sondaı-aq, jer qatynastary bóliminiń basshysy,
Sáýlet jáne qala qurylysy bólimderiniń 5 basshysy,
Aýdan ákimdikteriniń 2 laýazymdy tulǵasy jazalandy.
