Aımaqtar • 18 Mamyr, 2021

Petropavlda «Fitness Park KZ» respýblıkalyq jobasy bastaldy

131 ret kórsetildi

17 mamyr kúni Ulttyq Delfıı komıtetiniń uıymdastyrýymen Petropavl qalasyndaǵy jattyqtyrýshylardyń, fıtnes nusqaýshylardyń jáne dene shynyqtyrý oqytýshylarynyń jappaı jattyǵýy men sheberlik synybyna arnalǵan «Fitness Park KZ» Respýblıkalyq jobasy bastaldy, dep habarlady Egemen.kz.

Sport saraıynda uıymdastyrylǵan buqaralyq jattyǵýlar men sheberlik synyptaryna 200-ge jýyq adam qatysty.

Sporttyq is-shara aıasynda Petropavlda jattyqtyrýshylardyń, fıtnes-nusqaýshylardyń jáne dene shynyqtyrý oqytýshylarynyń sheberlik sabaǵyn «World Class» Elıt-bapkeri, fýtboldan Qazaqstan chempıony jáne halyqaralyq oıyndardyń júldegeri, QR bodıbıldıngten júldegeri, Les Mills sertıfıkattalǵan bapkeri Rýslan Batyrbekov ótkizdi. Jattyǵýǵa ataqty qazaqstandyq kásipqoı boksshy Janat Jaqııanov qosyldy.

Jattyǵý baǵdarlamasy ulttyq sport túrleri men mádenıet elementterine negizdelgen.

Búgin, 18 mamyrda Soltústik Qazaqstan oblysy Qyzyljar aýdanynyń Beskól aýylynda jappaı jattyǵý uıymdastyryldy, onda Rýslan Batyrbekovpen birge jeńil atletıkadan halyqaralyq dárejedegi sport sheberi, Qazaqstannyń birneshe dúrkin chempıony, Azııa chempıonatynyń júldegeri Mıhaıl Lıtvın jattyǵý ótkizdi.

Ulttyq Delfıı komıtetiniń dırektory Quralaı Túspekovanyń aıtýynsha, Soltústik Qazaqstan oblysyna sapar nátıjeli boldy. Is-sharaǵa qatysýshylar jattyǵýlardyń kúrdeliligine qaramastan, oǵan jetkilikti fızıkalyq daıyndyqsyz adamdar da qatysa alatyndyǵyn atap ótti.

«Jattyǵýǵa estý qabileti shekteýli balalar qatysqanyn atap ótkim keledi. Josparlanǵandaı, baǵdarlama sýrdoaýdarmamen berildi jáne balalarǵa jalpy jattyǵýǵa qatysý unady», dedi Quralaı Túspekova.

Is-sharany uıymdastyrýshylardyń aıtýynsha, epıdemıologııalyq jaǵdaıdy eskere otyryp, osyndaı jappaı jattyǵýlar men sheberlik synyptary elimizdiń basqa óńirlerinde ótkiziletin bolady.

«Fitness Park KZ» jobasy Azamattyq bastamalardy qoldaý ortalyǵynyń memlekettik granty aıasynda júzege asyrylýda.

                                                                                                                                     

Sońǵy jańalyqtar

Elordada gazel avtokóligi janyp ketti

Elorda • Búgin, 12:18

Uqsas jańalyqtar