Qazaqstan Prezıdenti Qasym-Jomart Toqaev vıdeo konferensııa rejıminde Shveısarııa Prezıdenti Gı Parmelanmen kelissóz ótkizdi. Eki el basshylary saıası, saýda-ekonomıkalyq salalardaǵy yntymaqtastyqtyń qazirgi ahýaly men perspektıvalaryn talqylady.
Taraptar Qazaqstan men Shveısarııa arasyndaǵy qatynastardyń damý qarqynyn joǵary baǵalap, kólik, logıstıka, mashına jasaý, aýyl sharýashylyǵy, týrızm, joǵary tehnologııa men «jasyl» ekonomıka salalary boıynsha iskerlik baılanystardy nyǵaıtýǵa jáne birlesken ınvestısııalyq jobalardy júzege asyrýǵa basa mán berdi.
Qasym-Jomart Toqaev Shveısarııany Qazaqstannyń Eýropadaǵy negizgi saıası, saýda jáne ekonomıkalyq seriktesteriniń biri retinde atap ótti. Búginde elimizde Shveısarııa kapıtalynyń qatysýymen 40-tan astam kásiporyn men kompanııa tabysty jumys istep jatyr.
«Eki el arasyndaǵy ózara tıimdi jáne tabysty yntymaqtastyqty jalǵastyrýǵa qajetti múmkindiktiń bári bar dep oılaımyn. О́zara yqpaldastyǵymyzdyń barlyq salasyna tyń serpin berý bizdiń mindetimiz,», dedi Qazaqstan Prezıdenti.
О́z kezeginde Gı Parmelan Qazaqstan men Shveısarııa arasyndaǵy baılanystardyń damýyna kóńili tolatynyn jetkizdi.
«Biz qyzyǵýshylyq tanytqan salalar boıynsha yntymaqtastyq durys jolǵa qoıylǵanyn atap ótkim keledi. Aldaǵy ýaqytta bul yqpaldastyqty odan ári nyǵaıtyp jáne keńeıte túsetinimizge senimdimin», dedi Shveısarııa Prezıdenti.
Memleket basshysy qol jetkizgen ýaǵdalastyqtardy júzege asyrýda Saýda-ekonomıkalyq yntymaqtastyq jónindegi ekijaqty úkimetaralyq komıssııanyń jáne Iskerlik keńestiń mańyzdy róline toqtaldy. Sonymen qatar Prezıdent ekonomıkanyń túrli sektoryndaǵy seriktestik aıasyn keńeıtýdi jáne taraptardyń áleýetin eskere otyryp, taýar aınalymynyń túrlerin kóbeıtýdi usyndy.
Osy rette Qasym-Jomart Toqaev Qazaqstannyń temirjol ınfraqurylymyn damytý jónindegi jobalarǵa qatysýǵa nıet bildirgen shveısarııalyq kompanııalardy qoldaıtynyn aıtty.
Memleket basshysy shveısarııalyq áriptesine Qazaqstandaǵy áleýmettik-ekonomıkalyq ózgerister men elimizdiń ınvestısııalyq klımatyn jaqsartýǵa baǵyttalǵan sharalar týraly málimet berdi.
Kelissóz barysynda koronavırýs indetiniń taralýyna qatysty ahýal da qarastyryldy. Qazaqstan Prezıdenti elimizdegi pandemııanyń saldaryn eńserýge baǵyttalǵan sharalar jáne halyqqa jappaı tegin ekpe salý jumystary jaıynda aıta kelip, shveısarııalyq kompanııalarǵa kórsetken kómegi men COVID-19 indetine qarsy kúreste qoldaǵany úshin rızashylyǵyn bildirdi.
Áńgimelesý sońynda Qasym-Jomart Toqaev pen Gı Parmelan halyqaralyq kún tártibindegi birqatar ózekti másele boıynsha, sonyń ishinde, Qazaqstan men Shveısarııanyń kópjaqty qurylymdar aıasyndaǵy yqpaldastyǵy jaıynda pikir almasty. Taraptar jahandyq beıbitshilik pen qaýipsizdikti saqtaý, ornyqty damýdy qamtamasyz etý, klımattyń ózgerýine qarsy kúresý, Ortalyq Azııadaǵy transshekaralyq sýlardy ádil ári tıimdi paıdalanýǵa yqpal etý máseleleri boıynsha konstrýktıvti dıalogty jalǵastyra berýge daıyn ekenin naqtylady
