Shyǵys – «jasyl aımaqta»

О́ńir «jasyl aımaqqa» ót­ke­nimen, bas sanıtarlyq dá­ri­gerdiń qaýlysy áli shyǵa qoıǵan joq. Sebebi oblystaǵy epıdemııalyq ahýal bir apta mamandardyń baqylaýynda bolady. Eger indettiń órshýi azaıyp, kórsetkish tómendese, birqatar shekteý sharasy jeńil­de­tilýi yqtımal. Son­dyq­tan arqany keńge sala qoıýǵa erte. Talap pen ereje burynǵydaı.

– Bári bir kúnde ózgere qoımaıdy. Epıdemıolog ma­man­­dar aýrýdyń taralý kór­set­kishterin kún saıyn esep­tep, taldap, jaǵdaıdy baqy­laıdy. Eger jeti kún ishinde indettiń kúndelikti kórsetkishi tómendese, «jasyl aımaqqa» tolyǵymen ótemiz. Sonda ǵana shekteý sharalarynda ózgeris bolýy múmkin, – deıdi Taýarlar men kórsetiletin qyzmet sapasy men qaýipsizdigin baqylaý departamentiniń baspasóz hatshysy Baǵylan Taýanova.

Áıtse de shekteý sharalary tolyǵymen alynbaıdy. Indet túbegeıli joıylmaıynsha, araqashyqtyqty saqtaý, maska taǵý syndy erejeler ózgermeıdi. Aıta keterligi, ja­ǵ­ajaı maýsymynyń ashylýyna da az ýaqyt qaldy. Jaǵdaı ońala qoımasa, jaǵa­jaı­larda da medısınalyq betperde kııýge týra keledi. Esterińizge qaıta bir sala ketsek, oblystyq bas memlekettik sanıtarlyq dárigeriniń 15 sáýirdegi qaýlysyna sáıkes, halyq qoǵamdyq oryndarda, onyń ishinde aıaldamalarda maskalaryn mindetti túrde taǵýy kerek. Jaǵajaı qoǵamdyq oryn bolǵandyqtan, ol jerde de me­dısınalyq betperde kııý mindetti. Shyǵys Qazaqstan ob­lysynyń sanıtarlyq-epı­demıologııalyq baqylaý de­partamenti mamandarynyń ha­barlaýynsha, áleýmettik qa­shyqtyqty saqtaǵan jaǵdaı­da medısınalyq maskasyz sho­my­­lýǵa ruqsat etiledi. Atal­ǵan shekteý sharalaryn buzý fak­tileri anyqtalsa, ákim­shilik shara qoldanylady. Erejede anyq aıtylǵandaı, jaǵajaıda qaz-qatar tizilip, kúnge qyzdyrynýǵa ruqsat bola qoımas.

Al demalys, tý­­rıstik-rekreasııalyq aı­maq­tarǵa kirý kezinde ekpe al­ǵan­dyǵyńdy dálel­deıtindeı «ashyq» jú­ıesi paıdalanyla ma? Dema­lý­shylardyń PTR-testiniń nátıjesi eskerile me? Osy sııaqty birqatar suraq áli mamandardyń qaraýynda. Alaıda óńirde vaksına alyp jatqandardyń qatary kúnnen kúnge kóbeıip keledi. Qazirgi ýaqytta О́skemendegi ekpe alý pýnkteri senbi, jek­senbi kúnderi de jumys isteıdi. Oblystyq densaýlyq saqtaý basqarmasynyń ókili Elmıra Rahımbaevanyń aıtýynsha, koronavırýsqa qarsy egýdi barlyq nıet bildirýshiler ala alady. Búgingi tańda aımaq turǵyndary úshin reseılik Spýtnık-V jáne Arab óndiri­sin­degi qytaılyq Hayat-Vax ek­pesi paıdalanylyp jatyr. Ony árkim óz tańdaýyna qaraı alady.

Shyǵys Qazaqstan oblysy