Máńgilik eldiń muraty

Abaı óleńderinen úzindi oqyp, estafetany jalǵastyrýdy Qazaqstan Prezıdenti Qasym-Jomart Toqaevqa joldaǵan oqýshy Láılim-Shyraq Erlanqyzy búgingi saltanatty jıynnyń betasharyn hakim jyrymen ashyp berdi. Budan soń uly Abaıdyń rýhyna taǵzym etip, onyń mol murasyn dáripteý maqsatynda búkil Qazaqstan halqy belsene atsalysqan ıgi bastamanyń jańa bıikterge jeteleıtin ónegesi jaıynda sóz qozǵaǵan belgili abaıtanýshy, ǵalym Tursyn Jurtbaı hakim murasynyń qundylyǵy týrasynda keńinen áńgi­meleı kele, «Meniń oıymsha Abaı bir kúndik, bir jyldyq, bir ǵasyrlyq emes. Qazaq qazaq ekeni ras bolsa, onyń túısigi aqyl-esi durys urpaq bolatyn bolsa, Abaı qazaqpen birge máńgilik jasaıdy. О́ıtkeni Abaıdy túsiný – qazaqty túsiný», dep atap ótti. Al aqyn Nesipbek Aıtuly qoǵamdyq sanany jańǵyrtýǵa bastaǵan Abaı jylynyń damýymyzǵa serpin beretin is-shara retinde máni zor ekendigin, kemeńger aqynnyń muralary jarqyn bolashaqqa bastaıtyn jańasha jol ekendigin aıta kele, Abaı rýhyna qyzmet etken búkil qazaq jasaı bersin degen bátýaly batasymen barshaǵa jaq­sy tilegin arnady.

Abaıdyń tulǵasy men murasyn shetelderde alǵashqylardyń biri bolyp ulyqtaǵan Halyqaralyq Túrki akademııasynyń keıbir jumystaryn tanystyrǵan akademııa prezıdenti Darhan Qydyráli Abaı murasy ba­ýyrlas túrki tilderine aýdarylǵanyn, atap aıtqanda Abaı shyǵarmalarynyń túrik tilindegi tolyq jınaǵynyń jáne Muhtar Áýezovtiń 2 tomnan turatyn «Abaı joly» roman-epopeıasynyń jaryqqa shyǵýy oqyrman qaýym úshin eleýli jańalyq bolǵanyn atap ótip, ataýly merekege oraı quttyqtaýyn jetkizdi. «Ulttyq rýhanııatymyzdyń ustyny bolǵan Abaımen bastalǵan jyl qorytyndylanyp jatyr. Ol túrki áleminiń moıyndalǵan bas aqyny atandy», degen Darhan Qydyráli Abaı mereıtoıyna oraı «Egemen Qazaqstan» gazetiniń uıymdastyrǵan arnaıy saraptamasy eki tomdyq jınaq retinde baspaǵa ázirlengenin jetkizdi.

Jıyn barysynda sóz alǵan Abaı atyndaǵy ha­lyqaralyq mádenıet pen ónerdi qoldaý ortalyǵynyń basqarma tóraǵasy Ermek Beısembaev Abaı mereıtoıynda atqarylǵan mádenı, rýhanı sharalardyń joǵary deńgeıde ótkizilgenin, bul rette qalamger Muhtar Maǵaýınniń ult rýhanııatyna qosqan ólsheýsiz eńbegi úshin atalǵan «Abaı» medalimen marapattalǵanyn aıta kele, jazýshynyń elge degen aıryqsha sále­min jetkizdi. Halyqaralyq qordyń at­qarýshy dırektory Aslan Ǵafýrov uzaq jyldar boıy rýhanııat salasynda talmaı eńbek etip kele jatqan aldyńǵy aǵa býyn ókilderi Tursyn Jurtbaı, Shákir Ybraev, Nesipbek Aıtuly, Serik Negımov, Kópen Ámirbek, Darhan Qydyráli, Asan Omarov, Maıra Ilııasova, Erlan Rysqalı syndy zııaly qaýym ókilderi men Láılim-Shyraq Erlanqyzy, Dıas Múslımov, Aıdos Esmaǵambet syndy keıingi jas­tardy «Abaı» mereıtoılyq medalimen marapattap, jınalǵan qaýymdy ataýly merekemen quttyqtady.

«Akademııalyq kitaphana ujymy men shaqyrtýdy qabyl alǵan zııaly qaýym ókiline alǵys bildiremiz. Byltyr Memleket basshysy Qasym-Jomart Kemeluly Abaıdyń 175 jyldyǵyn atap ótýdi resmı jarııalaǵaly beri, elimizdiń túkpir-túkpirinde kóptegen is-shara uıymdastyrylyp, shetelderde keńinen nasıhattalyp jatty. Abaı men Jambyl esimi qazaq ultyna maqtanysh qana emes, rýhanı kúsh-jiger beretinine senimimiz kámil. Abaı murasyn nasıhattaýshy aldyńǵy tolqyn aǵalarymyz ben apalarymyzdyń sara joly ary qaraı ult maqtanyshy, rýhanııattyń altyn tiregi Abaı Qunanbaıuly esimimen birge keler urpaqqa máńgi jalǵasa beredi», degen Aslan Ǵafýrov Abaıdyń ósıet-ónegesi elimizdi jańa bıikterge jeteleıtin dań­ǵyl jol ekenin atap ótti.

Mádenıet pen óner rýhanı ómi­ri­mizdiń máıegi desek, memleket pen qoǵamnyń shyǵarmashylyq adamdaryna aıryqsha qurmetiniń belgisi retinde kúntizbeden oryn alǵan kásibı mereke kúniniń mańyzy erekshe.  «Biz ulttyq sanany jańǵyrtamyz jáne básekege qabiletti ult qalyptastyramyz desek, Abaıdyń shyǵarmalaryn muqııat oqýymyz kerek. Onyń qoǵamdaǵy túr­li úderiske qatysty kózqarasy bú­gingi Qazaqstan úshin asa paıdaly. О́z za­manynyń ǵana emes, qazirgi qoǵamnyń da beınesin tanytqan Abaı – eldik mu­rattyń aınymas temirqazyǵy», degen Memleket basshysy Qasym-Jomart Toqaev Abaıdyń 175 jyldyq mereıtoıy qoǵamdyq sanany jańǵyrtatyn, bir el, tutas ult bolyp damýymyzǵa serpin beretin is-shara retinde atqarylýy tıis degen bolatyn. «О́ldi deýge bola ma, aıtyńdarshy, ólmeı­tuǵyn artynda sóz qaldyrǵan» dep jyrlaǵan Abaı murasy bir jyldyń ǵana enshisindegi naýqan emes, máńgilik eldik murattyń aınymas temirqazyǵyna aınalýy tıis degen ýaǵdalas baılam aıtqan ıgi jaqsylar aqyn tulǵasy men murasynyń zerttelýi jalǵasa bermek degen qanattas oıdy jetkizdi.