Barlyq qatysýshylardyń beınejazbalary Jambyl atyndaǵy Qazaq memlekettik fılarmonııasynyń áleýmettik jelidegi resmı paraqshasynda jarııalandy.
19 mamyr kúni baıqaýdyń qazylar alqasy T.Júrgenov atyndaǵy Qazaq ulttyq óner akademııasynyń rektory A.Abdýalıev, Qazaqstan Respýblıkasy Ulttyq kitaphanasynyń dırektory B.Ospanova jáne Jambyl Jabaevtyń ádebı-memorıaldy mýzeıiniń dırektory S.Jambylova baıqaýǵa qatysqan balalardyń ónerin baǵalap, jeńimpazdardy anyqtady.
Úsh túrli jas sanaty boıynsha iriktelgen úmitkerlerdiń arasynda oza shyqqan oqýshylar Dıplomdarmen jáne baǵaly syılyqtarmen marapattaldy. Top jarǵan jasóspirimder keleshekte Jambyl atyndaǵy Qazaq memlekettik fılarmonııasynyń Úlken zalynda ótetin Gala konsertine qatysady dep josparlanyp otyr.
Atap aıtqanda, utys syılyqtaryna dombyra, keńselik organaızerler men qoıyndápterler, sonymen qatar, áriptestik qoldaý kórsetken Qazaqstan Respýblıkasy Ulttyq kitaphanasynyń ujymy atynan on tórt balaǵa «Arnaıy syılyq», áleýmettik jelide jarııalanǵan beınejazbalarynyń lúpil sanyna oraı bes balaǵa qundy kitaptar qoryn tabystady.
«Talaby bir-birinen asyp túsetin balalardyń onlaın-baıqaýǵa qatysýǵa degen qulshynysynyń artýy bizderdi qatty qýantyp otyr. Sebebi, qoǵamnyń jáne jastardyń Jambyl Jabaevtyń shyǵarmashylyǵyna degen yntasyn oıatyp, qyzyǵýshylyǵyn arttyrý, jyr alybynyń baǵa jetpes ulttyq murasy arqyly halyqtyń rýhanı deńgeıin damytý bul baıqaýdyń basty maqsaty bolyp tabylady», deıdi Jambyl atyndaǵy Qazaq memlekettik fılarmonııasynyń dırektory S.Nurmoldaev.
Jambyl atyndaǵy Qazaq memlekettik fılarmonııasy osy onlaın-baıqaý arqyly jasóspirimderdiń boıyndaǵy patrıotızmdi, rýhanı-adamgershilik úılesimdilikti damytýdy, jańa tehnologııalardyń kómegimen jastardyń kórkemdik talǵamyn tárbıeleýdi, kásibı dástúrli mýzyka álemine jáne kórkemsóz ónerine baýlýdy maqsat etedi. Sonymen qatar Halyqaralyq eńbek naryǵynda bolashaq óner ókilderi men daryndy oryndaýshylardyń básekege qabilettiligin qamtamasyz etýdi, ár elderdegi mádenı-aǵartý mekemeleri men jastarǵa bilim beretin ujymdardyń ózara ara-qatynasyn ári tájirıbe almasýyn uıymdastyryp, keleshekte birlesken shyǵarmashylyq jumystar jasaýyna yqpal etýdi kózdeıdi. Atalǵan is-shara QR Mádenıet jáne sport mınıstrliginiń tikeleı qoldaýymen joǵary deńgeıinde ótti.
