«Qyzylsaı» tabıǵı saıabaǵynyń on ınspektory demalýshylar qaldyrǵan qoqysty jınaýǵa tyrysady. Biraq olar memlekettik qoryqtyń 316 myń gektar aýmaǵyn baqylap otyra almaıtynyn aıtty.
Erekshe peızajdarymen áıgili shatqal Aqtaýdan 300 shaqyrym jerde ornalasqan. 1 naýryzdan beri Bozjyrǵa eki myńǵa jýyq týrıst kelgen. Jol talǵamaıtyn kólikti jalǵa alý baǵasy - 80 myń teńge jáne odan joǵary. Alaıda bul jerdiń tanymaldyǵy tabıǵat sulýlyǵynyń saqtalýyna zııanyn tıgizip jatyr.
«Biz saıahatshylardy qarsy alamyz, brakonerliktiń aldyn alyp, kólikterde qarýdyń bar-joǵyn tekseremiz. Nusqaý beremiz, ot jaqpaýdy, qoqysty qaldyrmaı alyp ketýdi suraımyz. Biraq shatqalǵa aparatyn barlyq joldy baqylaý múmkin emes. Sondyqtan saıahatshylar qoqystaryn qaldyryp kete beredi», deıdi «Qyzylsaı» memlekettik óńirlik tabıǵı saıabaq qyzmetkeri Naýryz Ánesov.
