«29 mamyrda Eýrazııalyq ekonomıkalyq odaq týraly kelisimshartqa bizdiń eldiń astanasynda qol qoıǵanymyzǵa 7 jyl tolady. Búginde birlesip kúsh jumsaýdyń arqasynda EAEO álemniń ekonomıkalyq sáýletinen júıeli oryn alǵanyn ásireleýsiz aıtýǵa bolady. Sońǵy bes jylda elderimizdiń ózara saýdasy 21 paıyzǵa ósip, 2020 jyly 55 mlrd dollarǵa jetti. Bul daǵdarys jaǵdaıyndaǵy kórsetkish. Áıtpese biz odan da úlken jetistikterge jete alamyz», dedi Elbasy.
Sonymen birge Ult kóshbasshysy pandemııa jaǵdaıynda odaq aıasyndaǵy baılanystardyń beriktigi synaqtan ótip jatqanyn eske saldy.
«Koronavırýs pandemııasymen kelgen ekonomıkalyq daǵdarys bizdiń ıntegrasııalyq birlestigimizdiń beriktiginiń synaǵyna aınaldy. Qaýipsizdik máselesi birinshi orynǵa shyǵyp otyr. Bul azyq-túlik, dári-dármek, sıfrlyq jáne qarjylyq ınfraqurylym sııaqty birneshe salanyń keń aýqymyn qamtıdy», dedi N.Nazarbaev.
