«Qazaqstan О́zbekstanmen birge Ortalyq Azııada halyqaralyq saýda-ekonomıkalyq yntymaqtastyq ortalyǵyn qurý jónindegi birlesken jobany is júzinde júzege asyrýǵa kiristi. Ortalyq Batys Eýropa - Batys Qytaı strategııalyq magıstraliniń boıynda ornalasady, bul ózara tranzıttik saýdanyń ósýin qamtamasyz etedi, sondaı-aq taýar aǵynyn aqtaýǵa jáne ónimniń qaýipsizdigin qamtamasyz etýge kómektesedi», dedi Qasym-Jomart Toqaev JEEK otyrysynda.
Memleket basshysy odaqtyń barlyq elderimen osyndaı birlesken ınfraqurylymdy ortaq damytýdy usyndy.
«Odaq sheńberinde saýda-logıstıkalyq jáne kóterme satylym ortalyqtarynyń júıesin qurý da úlken mańyzǵa ıe bolyp otyr. Mundaı júıe bizdiń elderimizdiń azyq-túlik qaýipsizdigin qamtamasyz etedi, agroónerkásiptik sektordyń áleýetin qoldaıdy, sáıkesinshe negizgi ónimderge baǵany tómendetedi», dep túıindedi Memleket basshysy.
