Osyǵan baılanysty, júkti áıelderdi COVID-19 preparatymen vaksınasııalaý múmkindigi týraly máseleni qarastyrýǵa basymdyq berilýde. Sebebi júktilik kezindegi aýrý aýyr aǵymnyń joǵary qaýpin týdyrady.
Sonymen qatar ortalyq ǵalymdary júkti áıelderde vaksınany qoldaný qaýipsizdigin baǵalaý úshin sútqorektilerge qosymsha klınıkaǵa deıingi zertteýler júrgizdi. Júktilik kezinde vaksına alǵan janýarlar tóldedi. Jańa týǵan janýarlardy tekserý nátıjesinde patologııalyq ózgerister anyqtalǵan joq.
Gamaleıa atyndaǵy ǵylymı ortalyqtyń dırektory Aleksandr Gınsbýrg «Spýtnık V» vaksınasyn qabyldaǵandardan alynǵan sarysý Sovid-19 vırýsynyń ártúrli genetıkalyq ózgertilgen shtamdaryna tıimdiligi boıynsha zertteletinin jetkizdi. Zertteý jumystary Italııadaǵy jetekshi eýropalyq Mıkrobıologııa jáne pýlmonologııa ınstıtýtynda ótedi dep josparlanýda.
Gınsbýrgtiń aıtýynsha, bul jańa shtamdardyń paıda bolýyna baılanysty koronavırýsqa qarsy vaksınasııa merzimine túzetýler engizýge qatysty suraqqa ǵylymı jaýap bolady.
