Aımaqtar • 21 Mamyr, 2021

Abaı eskertkishine jumyrtqa laqtyrǵan er adam keshirim surady

363 ret

kórsetildi

1 mın

oqý úshin

Pavlodarda súıiktisimen urysyp qalǵan turǵyn ákimdik ǵımaraty janyndaǵy Abaı eskertkishinen óshin alǵan. Er adam eskertkishke jumyrtqa men dárethana qaǵazyn laqtyrdy, dep habarlaıdy Egemen.kz.

Gaýhar QAPASh

Abaı eskertkishine jumyrtqa laqtyrǵan er adam keshirim surady

Oqıǵadan keıingi kórinisti kýágerler vıdeoǵa túsirip alǵan. Kadrlardan Abaı Qunanbaevtyń eskertkishinde lastanǵan izder qalǵany, al mańaıynda dárethana qaǵazy men jumyrtqa qabyǵy shashylyp jatqanyn kórýge bolady.

Instagram áleýmettik jelisinde vıdeo paıda bolǵannan keıin polısııa qyzmetkerleri kináli er adamdy ustaǵan. Ol 21 jastaǵy pavlodarlyq bolyp shyqty.

«Er adam óz áreketin súıiktisimen urysyp qalǵannan keıin mas kúıinde jasaǵanyn túsindirdi. Ol QR ÁQBtK-niń 434-baby «Usaq buzaqylyq» boıynsha jaýapqa tartyldy. Materıal sheshim qabyldaý úshin sotqa jiberildi», dedi Pavlodar oblysy polısııa departamentiniń baspasóz qyzmeti ókili.

Bap sanksııasy on táýlik merzimge ákimshilik qamaýǵa alýdy kózdeıdi.

Sonymen qatar tártipbuzýshy QR ÁQBtK-nyń 440-baby boıynsha qoǵamdyq orynda mas kúıinde bolǵany úshin ákimshilik jaýapkershilikke tartylyp, oǵan bes aılyq eseptik kórsetkishte aıyppul salynǵan.

Sondaı-aq pavlodarlyq óz áreketi úshin ókinetinin aıtyp, elden keshirim surady.