«Bul Nur-Sultan qalasynyń turǵyndary úshin ǵana emes, barlyq qazaqstandyqtar úshin ózekti másele. Jergilikti atqarýshy organdardyń sheshimderimen sýǵa túsýge bolatyn oryndar aıqyndalady. Akvatorııanyń, jaǵalaý jıeginiń jaı-kúıin teksergennen keıin sanıtarııalyq-epıdemıologııalyq qyzmetter osy jer ýchaskelerin jaǵajaılar retinde paıdalaný quqyǵyna ruqsat beredi. Tıisinshe, ınfraqurylym uıymdastyrylýy kerek, júzýge bolatyn oryndar, júzýge bolmaıtyn jerlerde shekteýler men qaýipsizdikti qamtamasyz etetin post uıymdastyrylýy kerek. Bul, eń aldymen, jergilikti atqarýshy organdardyń jumysy. Nege ishki ister qyzmetkerlerimen birge reıdtik is-sharalar ótkizemiz? Sebebi ótken jyly shomylý maýsymynda qaıǵyly oqıǵalar boldy. Tek shomylý maýsymynda 350 adam qaıtys boldy, onyń ishinde 70-ke jýyǵy bala. Bul qaýipsizdikti qamtamasyz etpeıtin durys emes jáne jabdyqtalmaǵan jerlerde shomylýdyń saldary osyndaı qaıǵyly oqıǵaǵa ákeletinin bildiredi», dep qorytyndylady eldiń bas qutqarýshysy.
