Dıalog alańy ataýynyń negizine Y (1980-1997 j.t.) jáne Z (1997-2015 j. t.) býyndarynyń belgileri alyndy.
Klýb sheńberinde Komıtet jastar qoǵamdastyǵy ókilderimen turaqty túrde kezdesýler ótkizetin bolady.
Dıalog platformasynyń jumysy 2021 jyldyń 21 mamyrynda ótken Komıtet tóraǵasy Erjan Núkejanovtyń «VERSUS» jas dintanýshylar qaýymdastyǵy ókilderimen kezdesýinen bastaldy.
Kezdesý Nur-sultan qalasyndaǵy Beıbitshilik pen kelisim saraıynyń janyndaǵy saıabaqta, qatysýshylar arasynda ashyqtyq, senim jáne kelisim atmosferasynda ótti.
Kezdesý barysynda dintaný jáne teologııa mamandyqtarynyń túlekterin jumysqa ornalastyrý, áleýmettik jelilerdegi dinı ekstremızmniń aldyn alý boıynsha jumysqa jastar men azamattyq qoǵamdy tartý, sondaı-aq din salasyndaǵy jańa jobalar men tásilderdi birlesip ázirleý máseleleri talqylandy.
Kezdesý qorytyndysy boıynsha taraptar eldegi dinı ahýaldy jaqsartý maqsatynda ózara is-qımyl men yntymaqtastyqty nyǵaıtýdy jalǵastyrýǵa kelisti.
«YZ CLUB» dıalog alańy sheńberinde is-sharalar ótkizý din salasyndaǵy ózekti máselelerdi birlesip sheshýge jastardy tartýǵa jáne elde dinı ekstremızm ıdeologııasynyń taralýyna jol bermeý máselelerinde azamattyq sana deńgeıin arttyrýǵa múmkindik beredi dep kútilýde.
