Fıtosanıtarııalyq karantındik baqylaý nátıjesinde Túrkistan oblysynyń úsh jylyjaı sharýashylyǵynda qyzanaq pen buryshtyń qaýipti joǵary patogendi karantındik vırýs anyqtaldy. Naqtyraq aıtqanda, qyzanaqtyń qońyr ájim vırýsy (ToBRFV).
Vırýs PTR-taldaýlar negizinde «Respýblıkalyq ósimdikter karantıni ortalyǵy» MM Almaty aımaqtyq karantındik zerthanasy rastady.
Bul vırýs agressıvtiligimen jáne jyldam taratylýyna baılanysty jylyjaı sharýashylyqtaryna óte qaýipti. О́ńirde fıtosanıtarlyq jaǵdaı nasharlap ketpeý úshin Túrkistan oblysynyń ósimdikter karantıni jónindegi memlekettik ınspektorlary qyzanaqtardy qaıta óńdeý jáne joıý týraly nusqama berdi. Oshaqtarda tıisti karantındik is-sharalar júrgiziledi.
Buǵan deıin habarlanǵandaı, Komıtet fıtosanıtarııalyq baqylaý beketterinde ósimdikter karantıni boıynsha baqylaýdy kúsheıtti. Bıyl 4 aıda ToBRFV juqtyrǵan kókónis ónimderin (Ázirbaıjan – 17, Túrkimenstan – 19, Iran – 6, QHR – 2, Túrkııa – 8, О́zbekstan – 24) ákelýdiń 76 faktisi anyqtaldy. Barlyq júk eksporttaýshy elderge qaıtarylyp, taýar ıeleri ákimshilik jaýapkershilikke tartyldy.
Túrkistan oblysynda qyzanaq vırýsynyń anyqtalýyna baılanysty Aýyl sharýashylyǵy mınıstri Saparhan Omarovtyń tapsyrmasy boıynsha óńirge jaǵdaıdy egjeı-tegjeıli zerdeleý úshin mınıstrliktiń Agroónerkásip keshenindegi memlekettik ınspeksııa komıtetiniń tóraǵasy shuǵyl jetti. Almabek Mars shaǵymdanyp, kómek suraǵan túrkistandyq fermerlermen kezdesý ótkizdi. Jumys saparynyń nátıjeleri boıynsha, Komıtet tıisti sheshim qabyldaıtyn bolady.
