Qoǵam • 24 Mamyr, 2021

Elordalyq oqýshylar jazǵy demalysyn qaıda ótkizedi?

33 ret kórsetildi

Elorda oqýshylary Aqmola oblysy aýmaǵynda ornalasqan 2 lagerde jazǵy demalysyn ótkize alady. Bul týraly Nur-Sultan qalasy Bilim berý basqarmasy basshysynyń orynbasary Rımma Imangazınova aıtty, dep habarlaıdy Egemen.kz.

«Jazǵy kezeńde balalardyń saýyqtyrý demalysyn, bos ýaqytyn jáne jumyspen qamtylýyn uıymdastyrý memlekettiń áleýmettik saıasatynyń ajyramas bóligi ári balalardyń shyǵarmashylyq damýy úshin múmkindik sanalady. Demalys – ol oqý sabaqtarynan bos ýaqyt, balaǵa erekshe nazar aýdaratyn, ony álemettik jaǵynan qorǵaıtyn aımaq. О́zderińiz biletindeı, elordada karantındik sharalar saqtalýda. Osyǵan baılanysty biz ata-analardyń balalar densaýlyǵyna alańdaıtyndyǵyn túsinemiz. Bilim jáne ǵylym mınıstrligi kelesi qala syrtyndaǵy lagerlerdiń jumysy arqyly balalar úshin jazǵy demalysty bıyl «Qazaqstan balalary jazdy qýanyshpen qarsy alady» atty uranmen uıymdastyrady. 240 oryndyq «Arman» týrıstik saýyqtyrý kesheni jáne 160 oryndyq «Býrovıchok» saýyqtyrý lageri jumys jasaıdy», dedi basqarma basshysynyń orynbasary.

Onyń aıtýynsha, atalǵan lagerler qaladan 100 shaqyrym jerde, Aqmola oblysynda ornalasqan. Olarda balalardyń jazǵy lagerlerin barlyq sanıtarlyq normalardy saqtaı otyryp, 10 kúnge 5 aýysymda 7 maýsymnan 10 tamyzǵa deıin uıymdastyrý josparlanǵan.

«Qyzyl» aımaqta bolǵan kezde lagerlerdiń tolymdylyǵy 30 paıyzdy quraıdy. «Sary» aımaqta – 50 paıyzǵa deıin, «jasyl» aımaq – shekteýsiz. Búginde sanıtarlyq baqylaý basqarmasy men Aqmola oblystyq tótenshe jaǵdaılar departamentinen ruqsat qujatyn alý jumysy júrgizilip jatyr. Onyń ishinde aǵash qurylymdardy ottan qorǵaý boıaýymen óńdeý, elektr, órt dabylyna kelisimsharttar jasasý jáne basqa da jumys jasalyp jatyr. Shtattyq qyzmetkerler quryldy», dedi Rımma Imangazınova.

Sondaı-aq ol elordada ál-Farabı, Mahambet О́temisuly atyndaǵy oqýshylar saraılarynyń bazasynda balalardyń jazǵy demalysyn uıymdastyrý josparlanyp otyrǵanyn tilge tıek etti.

Sońǵy jańalyqtar

Qarsylasyn 7 raýnd boıy sabady

Kásipqoı boks • Búgin, 10:32

Indonezııada jer silkindi

Álem • Búgin, 09:32

Úshinshi jeńilis

Jekpe-jek • Búgin, 09:02

Josparyn joqqa shyǵardy

Kásipqoı boks • Keshe

Kópirden sekirip ólmek boldy

Aımaqtar • Keshe

Úzdik ondyqta Golovkın joq

Kásipqoı boks • Keshe

Mektep oqýshysy mert boldy

Aımaqtar • Keshe

Jekpe-jeksiz ótken alǵashqy jyl

Kásipqoı boks • Keshe

Uqsas jańalyqtar