Onlaın otyrysta Nur-Sultan qalalyq máslıhatynyń burynǵy hatshysy Janat Nurpeıisov, jolaýshylar kóligi jáne avtomobıl joldary basqarmasynyń burynǵy bastyǵy Ráshıd Amanjolov, «Astana Innovation» AQ eks-basqarma tóraǵasy Talǵat Áshim, «Nur-Treıd» seriktestiginiń burynǵy dırektory Ýlýgbek Achılov jáne merdiger kompanııanyń basshysy Tımýr Qasabaev sóz aldy.
Sonymen birge, seriktes kompanııalardyń qyzmetkerleri Dýlat Mýsenov jáne Dáýren Ábdihamıtov ta sońǵy sózin aıty. Eshqaısysy taǵylǵan aıyptar boıynsha kinásyn moıyndamady.
Esterińizge salsaq, sotqa jeti adam tartylǵan. Olarǵa jeńil relsti kólik jelisin jobalaý kezinde 5,8 mıllıard teńgeni jymqyrýǵa septesti, nemese senip tapsyrylǵan qarjyny beıbereket jumsady degen aıyp taǵylyp otyr.
Buǵan deıin prokýror keı aıyptalýshyny 7, al ózgelerin 11 jylǵa deıin bas bostandyǵynan aıyrýdy suraǵan.
Al, qarjyny jymqyrýdyń júıesin qurǵan Astana LRT kompanııasynyń burynǵy basshysy Talǵat Ardan jáne elorda ákiminiń burynǵy orynbasary Qanat Sultanbekov halyqaralyq izdeýde.
