Qazirgi tańda polıseıler áriptesiniń bul áreketine ne sebep bolǵanyn anyqtap jatyr.
Polısııa málimeti boıynsha, 24 mamyrda áleýmettik jelilerde Jelezın aýdanynyń aǵa tergeýshisi tabeldik qarýdan oq atyp ózin óltirgeni týraly habarlama taraǵan.
Pavlodar oblysynyń Polısııa departamenti polıseıdiń qaza bolǵany týraly aqparatty joqqa shyǵardy.
«Jelezınka aýylynda 23 mamyrda saǵat 18.10-da aýdan prokýratýra ǵımaratynyń dálizinde Jelezın aýdanynyń aǵa tergeýshisi tabeldik qarýdan oń ıyǵyna oq atty. Polısııa qyzmetkeri aýrýhanaǵa jatqyzylyp, ota jasaldy», dedi aımaqtyq polısııa departamenti bastyǵynyń orynbasary Rashad О́teýov.
Onyń aıtýynsha, qyzmetkerdiń densaýlyǵyna qaýip tóndip turǵan joq, ómirlik mańyzdy organdary men súıegi zaqymdanbaǵan.
«Atalǵan derek boıynsha Pavlodar oblysy PD ózindik qaýipsizdik basqarmasy QR QK-nyń 105-baby boıynsha sotqa deıingi tergeýdi bastady. Oqıǵanyń mán-jaıy men sebepteri anyqtalyp jatyr», dedi О́teýov.
Tergeý júrgizilip jatqan «О́zin-ózi óltirýge deıin jetkizý» babynyń sanksııalary 3 jyldan 5 jylǵa deıin shekteý nemese bas bostandyǵynan aıyrý jazasyn kózdeıdi.
