Rochester ýnıversıtetiniń ǵalymdary jol apaty men jazataıym oqıǵa saldarynan qan joǵaltqan adamdarǵa tezirek kómek kórsetýge múmkindik beretin qurylǵy jasady.
Ol úshin tek bir tamshy qan qajet, sondyqtan saýsaqty tesý jetkilikti. Qan synamasy qurylǵyǵa engiziledi. Onyń ishinde antıdene eritindileri mıkrokanaldarda ornalasqan: antı-A, antı-B jáne antı-Rho. Sensor gemagglıýtınasııa reaksııasy boıynsha árbir mıkrokanalda A, B nemese Rho antıgenderdiń bolýyn jeke anyqtaıdy. Keıin aqparatty barlyq derekpen salystyryp, qan tobynyń mánin shyǵaratyn ortalyq prosessorǵa jiberedi.
Sarapshylardyń aıtýynsha, qazir qan toby monoklonaldy antıdeneler kómegimen anyqtalady. Ol úshin bir tamshy qan antıdene eritindisiniń tamshysymen aralasady. Kúndelikti zertteýlerde mundaı taldaý jetkilikti. Biraq naýqas jol apatynan keıin kóp mólsherde qan joǵaltyp, aýrýhanaǵa jetkizilse, qan tobyn teze arada anyqtaý qajet. Ádette standartty test 10-20 mınýtty alady jáne teris áseri bolmas úshin mindetti túrde rezýs anyqtalady.
Alaıda júıeniń bir kemshiligi, qurylǵy júıesindegi reagentter paıdalanylmaǵan kezde tómen temperatýrada saqtalýy kerek. Ǵalymdar reagentterdiń saqtalý ýaqytyn uzartý úshin turaqtandyrǵyshtar jasaýdy kózdeıdi.
