Oblys ákimi baspasóz qyzmetiniń málimetinshe, jańa týǵan nárestelerge Ádemi, Islam, Samıra esimderi berilgen.
Merziminen erte týǵan úshem perenıtaldyq ortalyq dárigerleriniń baqylaýyna alynǵan.
Búginde medısına qyzmetkerleriniń kómegimen sábıler salmaq qosyp, densaýlyq jaǵdaıy jaqsaryp keledi. Ázirge úshemniń aýrýhanadan qashan shyǵatyny belgisiz.
Aıta ketsek, úshem dúnıege kelgen otbasynyń bir uly men eki qyzy bar. Kópbalaly ana - úı sharýasynda otyrǵan áıel. Al, otaǵasy kólik júrgizýshisi bolyp jumys isteıdi.
Byltyr № 1 oblystyq perınataldyq ortalyǵynda 8746 sábı dúnıge keldi. Jyl basynan beri 3108 náreste týǵan. Onyń 72 - egizder bolsa, ekeýi - úshem. Ortalyq dárigerleri ár jyl saıyn júzdegen shala týǵan nárestelerdiń ómirin saqtap keledi.
