Bıyl 24-mamyrda Batys Qazaqstan oblysynyń Qaratóbe aýdanyna qarasty Qoskól aýyldyq okrýginiń aýmaǵyndaǵy Shora qystaǵynda 1 jastaǵy ıtalıandyq prýs lıchınkalarynyń kóbeıip jatqany anyqtaldy.
Batys Qazaqstan oblysynda bıyl 72,326 myń gektarǵa úıirli shegirtke zııankesteri, onyń ishinde 70,326 myń gektarǵa ıtalıandyq prýs jáne 2 myń gektarǵa azııalyq shegirtke taralýy múmkin degen boljam bar.
«Hımııalyq is-sharalardy ýaqytynda atqarý úshin óńirge dári-dármekter jetkizildi. Sondaı-aq hımııalyq óńdeý qyzmetterin atqaratyndarmen shart jasaldy. Oǵan barlyǵy 30 tehnıka (onyń ishinde 3 gaz generatory) jumyldyrylady. BQO Qaratóbe aýdany Qaratóbe aýyldyq okrýgi aýmaǵynda «Enjıo», «Lokýstın», «Imıdor», «Kombat» jáne «Sıprofen» preparattarymen óńdeý jumystary josparly túrde bastaldy», delingen habarlamada.
Respýblıka boıynsha 2021 jyly 640,85 myń gektar jerge úıirli shegirtke zııankesteri, onyń ishinde ıtalııalyq prýs 384 myń gektarǵa, azııalyq shegirtke 142 myń gektarǵa jáne marokkalyq shegirtke 114 myń gektarǵa taralýy múmkin dep boljanyp otyr.
«Pestısıdter men hımııalyq óńdeý qyzmetteri barlyq boljamdy alańǵa satyp alyndy. Sonymen qatar 223 myń gektarǵa jetetin pestısıd qory bar.
Úıirli shegirtkelerdi tıimdi óńdeý úshin pestısıdterdiń túrli toptarynyń preparattary satyp alyndy. Bul baǵyt boıynsha oblys ákimdikterimen birlese jumys isteý júıesi ázirlendi. Qazirgi ýaqytta oblys ákimderiniń orynbasarlary basqaratyn jedel shtabtar quryldy, sondaı-aq monıtorıng jáne hımııalyq óńdeý jumystaryn uıymdastyrý jónindegi jumys josparlary bekitildi.
О́ńdeýge arnaıy búrikkish 183 tehnıka (150 jerústi búrikkishi, 12 ushaq, asa jeńil avıasııanyń 13 kemesi jáne 8 aerozoldi gaz generatory) tartylatyn bolady», deıdi mamandar.
Úıirli shegirtke zııankesteriniń oshaqtaryn anyqtaý úshin 38,4 mln gektar jer zertteledi. Osy jumysty júrgizý úshin 524 avtokólik pen 1230 tekserýshi tartylady.
Maýsym aıynda kórshiles memlekettermen (QHR, RF, RÝ) shekaralas aýmaqtarda shegirtke zııankesterin anyqtaý úshin birlesken zertteý júrgizý josparlanyp otyr.
Respýblıkanyń Túrkistan jáne Jambyl oblystarynda marokko shegirtkesine qarsy óńdeý jumystary aıaqtaldy. Al, Aqtóbe oblysy men BQO-da ıtalıandyq prýsqa qarsy óńdeý jumystary bastaldy.
