Oıynǵa jer jáne qorshaǵan ortany zertteý Mektebiniń «Ádildik lıgasy», mashına jasaý Mektebiniń «Taza qol», bıznes jáne kásipkerlik Mektebiniń «Ádilet alıansy» jáne joǵary IT-kolledjdiń «Bes myń» komandasy qatysty. Qazylar alqasy qatarynda Shyǵys Qazaqstan tehnıkalyq ýnıversıtetiniń birinshi prorektory Sáýle Rahmetýllına, Qazaqstan Respýblıkasy Sybaılas jemqorlyqqa qarsy is-qımyl agenttiginiń ShQO boıynsha Departamenti, Prevensııa jáne parasattylyq basqaramysynyń basshysy Arhat Beısembaev, Shyǵys — Adaldyq alańy» jobalyq keńsesiniń jetekshisi, Shyǵys Qazaqstan oblystyq máslıhaty depýtaty Marjan Bahyt, Áleýmettik tárbıe jumysy jáne azamattyq damý basqarmasynyń basshysy Aqmaral Tursynbekqyzy Qazykeshova, Qazaqstan Prezıdenti janyndaǵy Memlekettik basqarý akademııasynyń ShQO boıynsha fılıalynyń aǵa oqytýshysy Gýlfııa Berekpolova jáne oblystyq «Dıdar» gazetiniń tilshisi Meıramtaı Imanǵalı boldy.
Oıynǵa kirispes buryn komandalar ózderin tanystyryp, ustanymdaryn jetkizdi. «Sıtýasııalyq keıs-tapsyrmalardy» sheshýde qatysýshylar sóz sheberligin kórsetip, óz pikirlerin dáleldeýge tyrysty. Kelesi «Adaldyqty mura etken uly Abaı» bóliminde stýdentter Abaıdyń Qara sózderin bilýden kil myqtydan kim myqty ekenin anyqtap, qara jáshik suraqtaryna jaýap berdi. Komanda kapıtandary da «Jaǵdaıatty shesh» týryna qatysyp, óz bilimderin kórsete bildi. Sonymen qatar, qatysýshylar arnaıy baǵdarlama arqyly akademııalyq adaldyq taqyrybynda test shyǵaryp, úı jumystaryn kórsetti. Ár komanda teatrlandyrylǵan kórinis qoıdy.
Ádil qazylar alqasy sheshimi boıynsha birinshi oryndy bıznes jáne kásipkerlik Mektebiniń «Ádilet alıansy» komandasy enshiledi.
Eske sala keteıik, «AntiParaCraft -2021» alǵashqy stýdenttik jemqorlyqqa qarsy kvest oıynyn Shoqan Ýálıhanov atyndaǵy Kókshetaý ýnıversıteti ótkizip, chelendj joldaǵan bolatyn, Dáýlet Serikbaev atyndaǵy Shyǵys Qazaqstan tehnıkalyq ýnıversıtet stýdentteri atalmysh chelendjdi Shákárim atyndaǵy Semeı ýnıversıteti stýdentterine joldady.
