Halyqaralyq mýzeı túni aıasynda uıymdastyrylǵan sharaǵa óńirdiń sýretshileri bir aı buryn bilek sybana kirisken. Baıqaý bolǵandyqtan, báseke bar. Bir-birinen asyp túsýge tyrysty. Qaıratkerlerdi ár qyrynan beıneledi. Talap grafıka janrynda bolǵan soń sheberler týsh, gýash, akvarel syndy tásilderdi qoldandy.
– Táýelsizdigimizdi asqaqtatý úshin onyń tarıhyn tereńirek bilýimiz kerek. Bilip qana qoımaı, ár qyrynan nasıhattaǵanymyz durys. Bıyl bizdiń mýzeı qazaq zııalylarynyń beınesin jas urpaqqa tanytýdy kózdep, sýret baıqaýyn uıymdastyrdy. Tamasha-tamasha týyndylar kelip tústi. Mýzeı kórermenderine Alash arystaryn ár qyrynan kórýge múmkindik týyp otyr, – deıdi mýzeı qyzmetkeri Esenbol Naqtybaıuly.
Táýelsizdiktiń otyz jyldyǵymen qatar kelgen Álıhan Bókeıhannyń 155 jyldyǵyn, Alash arystaryn mýzeı qyzmetkerleri nazardan tys qaldyrmaǵany qýantty.
Baıqaýǵa oblystyń ár óńirinen 17 qatysýshy óz týyndylaryn usynǵan. Jalpy sany 30 jumys mýzeı tórinen oryn aldy. Baıqaý bolǵan soń otyzdyń ishinen júldege ilingen sheberler aqshalaı syılyqqa ıe boldy. О́ner mýzeıi uıymdastyrǵan sharaǵa demeýshilik jasaǵan EKM SOMPANY JShS dırektory óner órisiniń keńeıe túsýi úshin aıanyp qalmaıtynyn aıtty.
– О́nerge qoldaý kórsetý – ár azamattyń paryzy. Biz bergen báıge ónerdiń ólshemi bola qoımas. Baıqaýǵa qatysqan úmitkerlerdiń týyndylaryn kórip talantty jastardyń ósip kele jatqanyna kóz jetkizdik. Biz bul mýzeımen biraz ýaqyttan beri seriktese jumys istep kelemiz. Áli de óner jolyndaǵy is-sharalarǵa qoldaý kórsetetin bolamyz, – dedi EKM SOMPANY JShS dırektory Maqsat Asanuly.
Shyǵys Qazaqstan oblysy
