Oblystyq PD baspasóz qyzmetiniń málimetinshe, 27 mamyr kúni saǵat 14.15-te Maı aýdany Eńbekshi aýylynyń mańynda 49 jastaǵy motosıkl júrgizýshisi júrip kele jatqan sátte róldi basqara almaı, aýdarylyp qalǵan.
– Jol-kólik oqıǵasy saldarynan júrgizýshi oqıǵa ornynda kóz jumdy. Motosıkl arnaıy aıyp turaǵyna qoıyldy. Sot-medısınalyq saraptama taǵaıyndaldy, –dep habarlady Pavlodar oblysy polısııa departamenti bastyǵynyń orynbasary Jandos Orymbaev.
Sondaı-aq saǵat 19.00-de Pavlodar qalasynda Kataev – Tolstoı kósheleriniń qıylysynda «Mıtsýbısı Delıka» avtokóliginiń 34 jastaǵy júrgizýshisi jaıaý júrginshini qaǵyp ketken.
Jol-kólik oqıǵasy saldarynan zeınetker jaraqat alyp, aýrýhanaǵa jetkizildi. Avtokólik aıyp turaǵyna qoıyldy. Tekserý júrgiziledi.
Aıta keteıik, aǵymdaǵy jyldyń basynan oblys aýmaǵynda 125 JKO tirkelgen, saldarynan 7 adam qaza taýyp, 191 adam jaraqat alǵan.
