Aımaqtar • 28 Mamyr, 2021

Elordada buqaralyq sport qalaı damýda?

21 ret kórsetildi

Nur-Sultanda «Dáýlet» tennıs ortalyǵynyń bazasynda elimizdegi alǵashqy áleýmettik kort ashý josparlanýda, onda erekshe qajettilikteri bar balalar men áleýmettik az qamtylǵan sanatyna jatatyn balalar tennıspen tegin aınalysatyn bolady, dep habarlaıdy Egemen.kz.

«Dáýlet» tennıs ortalyǵy sondaı-aq #it’sallaboutability (IýNISEF halyqaralyq baǵdarlamasy) sheńberinde ınklıýzıvti topty elimizde alǵash bolyp iske qosty. Búginde ortalyq janyndaǵy tennıspen aınalysatyn balalardy qamtý 25%-ǵa artty.

Buqaralyq sportty damytý jáne kópbalalardy qamtý úshin elorda ákimdigi qoldanystaǵy alańdardy saıabaqtar men mektepterdegi jańa tennıs korttaryna qaıta jabdyqtaýdy josparlap otyr. Eger qazir tennıspen bir myńǵa jýyq bala aınalysatyn bolsa, onda bul jobany iske asyrǵannan keıin 10 myńǵa jýyq bala aınalysa alady.

«Memleket basshysynyń tapsyrmasy boıynsha balalar men eresekterdi buqaralyq sportqa qyzyqtyrý úshin jumys júrgizip jatyrmyz. Sonymen qatar, bul sportty jańa bastaǵandarǵa da kómektesedi. Jańa sport keshenderi men alańdary túrli sport túrlerin damytýdy sapaly jańa deńgeıge shyǵarýǵa múmkindik beredi», dep atap ótti elorda ákimi Altaı Kólginov.

«Dáýlet» tennıs ortalyǵy men Qazaqstan tennıs federasııasy sporttyq qural-jabdyqtar jetkizip, sheberlik sabaqtaryn ótkizedi.

«Balalardyń jyl boıy tennıspen aınalysýyna barynsha jaǵdaı jasaǵymyz keledi. Jazdygúni ashyq aspan astynda jańa tennıs kortynda jattyqsa, qalǵan ýaqytta bizde daıyndalady», deıdi «Dáýlet» tennıs ortalyǵynyń jetekshisi Dına Temirǵalıeva.

«Dáýlet» tennıs ortalyǵyn 2019 jyldyń kúzinde Qazaqstan tennıs federasııasy ashty. Sport kesheninde 8 jabyq jáne 5 ashyq kort, jattyǵý zaldary, teorııalyq sabaqtarǵa arnalǵan ádistemelik zaldar, tamaqtaný orny jáne t.b. bar.

Esterińizge sala keteıik, 2020 jyly elorda ákimdigi 76 gektardan astam aýmaqty abattandyrdy, bul shamamen 150 aýla men 60 qoǵamdyq keńistik (saıabaqtar, gúlzarlar, jelekjoldar). Osylaısha elorda turǵyndarynyń tórtten bir bóliginiń sportpen aınalysýyna jáne serýendeýine arnalǵan oryndar ashyldy.

Aýlalar men qoǵamdyq keńistikter qala turǵyndaryn jumyldyryp salynýda jáne jóndeý júrgizilýde.

Sońǵy jańalyqtar

Qarsylasyn 7 raýnd boıy sabady

Kásipqoı boks • Búgin, 10:32

Indonezııada jer silkindi

Álem • Búgin, 09:32

Úshinshi jeńilis

Jekpe-jek • Búgin, 09:02

Josparyn joqqa shyǵardy

Kásipqoı boks • Keshe

Kópirden sekirip ólmek boldy

Aımaqtar • Keshe

Úzdik ondyqta Golovkın joq

Kásipqoı boks • Keshe

Mektep oqýshysy mert boldy

Aımaqtar • Keshe

Jekpe-jeksiz ótken alǵashqy jyl

Kásipqoı boks • Keshe

Uqsas jańalyqtar