«Olardyń jaǵdaıy jaqsy. Medısınalyq kómek qajet emes. Ekeýi 1999 jylǵy, bireýi 2000 jylǵy. Olar úsh kún buryn eki topqa bólingenin aıtady», dedi TJM resmı ókili Talǵat Ýálı.
Stýdentter 21 mamyrda shyǵyp, eki kún jol júrgennen keıin qaıtyp kele jatqan jolda adasyp ketken.
«Keıin jeti adamnyń bireýi aýyryp qaldy, sol úshin úsheýi bir orynda qaldy da tórteýi ary qaraı ketti. Sol jerde úsheýimiz úsh kún túnedik. Sosyn búgin shyǵyp kele jatqan kezde TJM qyzmetkerleri bizdi taýyp aldy. Barsha atsalysqan adamdarǵa alǵysymyzdy aıtamyz», deıdi jigitter.
Eske salaıyq, keshe, 27 mamyrda Nazarbaev ýnıversıtetiniń baspasóz qyzmeti Túrkistan oblysy taýlarynda joǵalyp ketken jeti saıahatshynyń altaýy JOO stýdentteri ekenin habarlaǵan bolatyn.
21 mamyrda ýnıversıtettiń alty stýdenti jáne Kentaý qalasy lıseı-ınternatynyń túlegi Túrkistan oblysyndaǵy taýlarǵa 4-5 kúnge jaıaý saıahatqa shyǵyp ketken. Búgin joǵalǵan 7 jigittiń úsheýi tabyldy.
