Jıynda «Qarapaıym zattar» ekonomıkasy baǵdarlamasy jobalarynyń qazirgi jaǵdaıy men óńirlik brendti damytý jáne jańa jobalar men olardyń ózekti máseleleri talqylandy. Basqosýǵa basqarma basshylary jáne jeke kásipkerler, ınvestorlar qatysty.
Qalalyq kásipkerler palatasynyń dırektory N.Qabyshtaevtyń aıtýynsha, «Qarapaıym zattar» ekonomıkasy baǵyty boıynsha 2021 jyly bes jobany iske asyrý josparlanǵan. Atap aıtqanda, «Kaz Energo-1» JShS elektr symdary jáne kabel óndirisi, «Aıanat» ShQ jylyjaı kesheni, «Dala construction» JShS qurama temirbeton konstrýksııalar jáne «Iýnıks» JShS mıneraldy sýlar jáne alkogolsiz sýsyndar óndirý jobalary júzege asyrylady.
Shtab otyrysynda óńirlik brend taýarlar óndirisin damytý máselesi talqylandy. Shymkent qalasynda osy salada 2,7 myń adam eńbek etedi. Endigi kezekte jergilikti kásiporyndar Shymkent qalasy ákimdiginiń qoldaýymen óndiristi keńeıtýge daıyn. Aldaǵy úsh jylǵa keńeıtý josparlary daıyndalýda.
2020 jyly bul baǵytta 162 jańa óndiris oryndary ashyldy. Aldaǵy úsh jylda olardyń sanyn 422-ge jetkizý kózdelýde. Investısııa kólemi – 11 mlrd teńge shamasynda. 6 myń jańa jumys orny qurylady.
Qala ákimi óńirlik ınvest jobalardy qadaǵalaıtyn komıssııa qurýdy tapsyrdy. Aýdan ákimdikteri osy jobalardy júzege asyrý úshin jer ýchaskelerin anyqtaýy qajet.
Sondaı-aq, jıynda jańa jobalar men jobalardyń ózekti máseleleri talqyǵa tústi. Investorlar tarapynan kópqabatty úıler, qonaqúı jáne áleýmettik nysandar jobalary tanystyryldy.
Qala ákimi «zým» júıesi arqyly túrkııalyq «Ozguven» kompanııasynyń basshysymen sóılesti. Shymkentke ınvestısııa tartý boıynsha áleýetti kompanııa basshysymen jaqyn arada kezdesýge kelisti.
