Áleýmettik jelige monıtorıng júrgizý kezinde pavlodarlyq polıseıler Instagram-nan anasynyń 10 aılyq balany aıaýsyz uryp-soqqan beınejazbany tapty.
«Bul fakti qalanyń Soltústik polısııa bóliminde tirkelgen. Balanyń anasy 32 jastaǵy áıel ekendigi anyqtaldy. Oǵan qatysty Qylmystyq kodekstiń 140-baby boıynsha sotqa deıingi tergeý bastaldy. Qajetti saraptama taǵaıyndaldy», dedi Pavlodar oblystyq polısııa departamentiniń bastyǵy Nurlan Másimov.
Polısııa balany dárigerler teksergenin jáne onyń ómirine qaýip tónbeıtinin aıtty.
Qazirgi ýaqytta balany qorǵaý úshin aýrýhanaǵa jatqyzyldy, ol dárigerlerdiń baqylaýyna alynǵan.
«Áıeldiń 14 jáne 12 jastaǵy, 10 aılyq kámeletke tolmaǵan úsh bala tárbıelep otyrǵany anyqtaldy», dedi Pavlodar oblystyq polısııa departamentiniń bastyǵy.
