Býndesrat federaldy keńesi ınfeksııadan qorǵaý jónindegi zań jobasyna birneshe ózgertýler eńgizdi. Oǵan sáıkes jalǵan vaksına tólqujatyn jasaǵandar eki jylǵa deıin, al ony qoldanǵandar bir jylǵa deıin qamalýy múmkin. Belgili bolǵandaı, zań buzýshylar adamnyń sýretin áleýmettik jelilerden alady eken. Keıin ony shamamen 100 eýroǵa satyp alýǵa bolady. Endi jergilikti bılik pen tártip saqshylary karantındik shekteý sharalarynyń jeńildetilýine oraı mundaı tólqujattarǵa degen suranys arta túsýi múmkin dep dabyl qaǵady.
«Germanııada vaksınalaýdyń elektrondyq tólqujatyn engizý óte oryndy. Ony telefon arqyly kórsetetindeı etip jasaý tipti tıimdi bolar edi. Sebebi elde 5 egde adamnyń tórteýinde smartfon bar. Al tólqujattyń qaǵaz nusqasy tek erekshe jaǵdaılarda talap etilýi kerek. Mundaı sıfrlyq qujat keıin Eýroodaqtyń barlyq aımaǵynda qoldanylýy tıis. Bul sońǵy ýaqytta kóp talqylanyp jatqan másele», deıdi Býndestag depýtaty Aleksandr Kraýss.
\
