Dúnıejúzilik reıtıngte 93-orynda turǵan Z.Dııas alǵashqy aınalymda álemniń 71-raketkasy, ulybrıtanııalyq Hıter Ýotsonmen kortqa shyqty.
Qarsylastar buǵan deıin ózara eki márte kezdesip, bir-birden jeńiske jetken. Birinshi partııada Zarına basymdylyq tanytty – 6:4. Ekinshi sette H.Ýotson alǵa ketti – 3:1. Degenmen qazaqstandyq tennısshi tarazy basyn teńestire bildi – 4:4. Aqyry matchty taǵy bir breıkpen túıindedi – 7:5. Tartysty báseke 1 saǵat 53 mınýtqa sozyldy. Z.Dııas ekinshi aınalymda álemniń 15-raketkasy, belgııalyq Elıza Mertens nemese reıtıngte 161-satydaǵy, negizgi dodaǵa irikteý saıystarynan keıin qosylǵan aýstralııalyq Storm Sanderstiń bireýimen sheberlik baıqasady.
О́tken jyly Fransııa ashyq chempıonatynda Zarına Týnıs ókili Ons Jaberge 6:4, 3:6, 1:6 esebimen ese jiberip, alǵashqy aınalymnan asa almaǵan edi.
Bıyl O.Jaber taǵy bir qazaqstandyq Iýlııa Pýtınsevamen kúsh synasady.
Eske sala keteıik, budan buryn Elena Rybakınanyń Rolan Garros týrnırin jeńispen bastaǵanyn, Jibek Qulambaevanyń Shymkenttegi týrnırdiń chempıony atanǵanyn jazǵan bolatynbyz.
Sondaı-aq Zańǵar Nurlanuly Majarstanda ótken týrnırdiń jeńimpazy atandy. M.Kýkýshkın Rolan Garros týrnıriniń alǵashqy aınalymynan asa almady.
