1-30 maýsym aralyǵynda ıntervıýerler (tirkeýshiler) árbir eldi meken boıynsha turǵyn jaılar, turǵyn úıler (turǵyn jaı ǵımarattary) jáne turǵyn úı retinde paıdalanylatyn turǵyn emes oryndardyń barlyǵyn aralap, olardyń tizimin jáne turaqty turǵyndarynyń sanyn naqtylaıdy.
1 kezeń úshin barlyǵy 5 405 ıntervıýer jáne 773 nusqaýshy-baqylaýshy alynady. Nysandardy aralaý kezinde ıntervıýerler ózderin tanystyryp, ıntervıýer kýáligin kórsetýi kerek. Sondaı-aq kelýdegi maqsatyn naqty jáne qysqasha túsindirip, sol úı-jaıda turaqty (ádette) turatyndardyń meken-jaılaryn jáne sanyn suraýy qajet.
2021 jyldyń ulttyq sanaǵynyń negizgi kezeńi 1 qyrkúıekten 30 qazanǵa deıingi aralyqta ótedi. Oǵan onlaın rejıminde de, sondaı-aq, dástúrli tásilmen de qatysýǵa bolady.
