Oblystyq PD baspasóz qyzmetiniń málimetinshe, balanyń anasy túngi ekiler shamasynda habarlasqan. О́ziniń 11 jastaǵy ulynyń belgisiz baǵytqa ketip, qaıta oralmaǵanyn jetkizgen. Bul habarlamadan keıin shardaralyq polıseıler birden joǵalǵan balany izdep tabý úshin barlyq kúshti jumyldyrǵan. Polısııa qyzmetkerleriniń jedel izdestirýiniń arqasynda 4-shi synyp oqýshysy bir táýlik ishinde tabyldy. Mektep oqýshysy dosynyń úıinde uıyqtap qalǵan bolyp shyqty.
«Qazirgi tańda 11 jastaǵy bala úıine qaıtaryldy. Ulymen aman-esen qaýyshqan anasy balasyn izdestirýge kómektesken polısııa qyzmetkerlerine izgi yqylasyn bildirip, alǵys aıtty» delingen habarlamada.
