Oıyn esebi 3:1. Alǵashqy kezeńde qarsylastar bir-birin shabýyldaýmen boldy. Osyndaı sátterdiń birinde qazaqstandyq komanda sapynan Dmıtrıı Shevchenko mergendik tanytyp, alǵashqy goldy soqty. Ekinshi kezeńde de quramalardyń shabýyl shebinde jıi boı kórsetkeni baıqaldy.
27-mınýtta norvegııalyq Tomas Valkve Olsen kózdegen nysanadan múlt ketken joq. Oıynnyń 41-mınýtynda norvegııalyq Stefan Espelan óz quramasyn alǵa shyǵardy. Al 59-mınýtta onyń áriptesi Matıs Olımb qorytyndy esepti belgiledi.
Búgin toptyq kezeńdegi sońǵy oıyndar ótedi. Onyń qorytyndysy boıynsha pleı-off kezeńine joldama alǵan tórt qurama anyqtalady. Qazaqstan úshin Fınlıandııa-Kanada oıyny mańyzdy. Sebebi Fınlıandııa jeńiske jetse, bizdiń qurama shırek fınalda óner kórsetýge múmkindik alady.
