«Oblys úshin mańyzdy nysan – Saryaǵash qalasyndaǵy ortalyq aýdandyq aýrýhana janynan 240 tósek-orynǵa arnalǵan perınataldy ortalyq qurylysy. Jyl saıyn Saryaǵash aýdanynda oblys boıynsha týýdyń eń joǵary kórsetkishi tirkeledi. 2020 jylǵy kórsetkish 1 myń turǵynǵa 31,9-dy qurady. Saryaǵash aýdanynda perınataldy ortalyq ashý Keles, Jetisaı, Maqtaaral jáne Shardara aýdandarynyń júkti áıelderine bilikti medısınalyq kómek kórsetýge múmkindik beredi», dedi Alekseı Soı.
Onyń atap ótýinshe, atalǵan aýdandarda 723 926 adam turady. Bul - oblys turǵyndary jalpy sanynyń 35 paıyzy.
«Sonymen qatar Arys jáne Saryaǵash qalalarynda bir aýysymda 500 kelýshige arnalǵan 2 úlgilik emhana salý josparlanyp otyr», dedi mınıstr.
