Osy zaýyttarda jumys isteıtin mamandardy oqytý isi qazirden bastap qolǵa alyndy. Mashına jasaý salasyna qajetti sapaly mamandardy daıarlaý úshin Qostanaı avtojol kolledji tańdalyp alynyp, oqý ornyna jaıly jataqhana men zamanaýı zerthana salyp berý úshin oblys bıýdjetinen 400 mln teńge qarjy bólindi.
Sondaı-aq byltyr Qostanaı avtojol kolledjinde «KamAZ» jobasy aıasynda «qara metaldar metallýrgııasy», «mehanıkalyq óńdeý», «ónerkásiptegi baqylaý-ólsheý aspaptary jáne avtomatıka», «tokarlyq is jáne metall óńdeý», «mashına jasaý tehnologııasy», «avtomattandyrý jáne basqarý» sııaqty jańa mamandyqtar ashylǵan. Bul mamandyqtar boıynsha bıyl birinshi kýrsty 125 stýdent támamdap otyr. Kolledj dırektory Dmıtrıı Pavlenkonyń aıtýynsha, aldaǵy oqý jylynda taǵy 125 stýdent oqýǵa qabyldanbaq.
О́ńirde júzege asyryla bastaǵan aýqymdy jobalar aıasynda kólik qurastyrý salasyna qatysty bes birdeı jańa mamandyq ashqan bilim ordasyna ótken aptada «KamAZ» JAQ bas dırektorynyń birinshi orynbasary Iýrıı Gerasımov arnaıy kelip, oqý ornymen ózara yntymaqtastyq jóninde kelisimge qol qoıdy.
– Biz Qostanaıdaǵy «KamLitKZ» zaýyty men jetekshi beldeme zaýytynyń iske qosylýyn asyǵa kútip otyrmyz. Qazir birlesken joba kezeń-kezeńimen ýaqtyly júzege asyrylyp jatyr. Eń bastysy, bul zaýyttarda jumys isteıtin bolashaq mamandar daıarlaý máselesin qatar qolǵa aldyq. Mashına qurastyrý salasynyń mamandary bizge asa qajet. Biz «KamAZ» kólikterin shyǵaratyn bolsaq, kolledj sol kólikti qurastyratyn mamandardy daıarlaıdy. Qazir kolledjde 300-ge jýyq stýdent bilim alyp jatyr. О́z jataqhanasy bar. Onyń qurylysyna 1 mlrd 300 mln teńge baǵyttalyp otyr. Iаǵnı jan-jaqty qoldaý kórsetilip jatyr. Men búgingi kolledj stýdentteriniń bir-eki jyldan soń jańa zaýytqa jumysqa ornalasyp, odan ári kásiporynnyń bilikti mamany bolyp shyǵatynyna senim bildiremin, – dedi «KamAZ» JAQ bas dırektorynyń orynbasary.
Qostanaıda jańa salynyp jatqan «KamLitKZ» shoıyn zaýyty men qurylysynyń birinshi kezeńi bıyl qazan aıynda aıaqtalady. Zaýyt 2023 jyly túbegeıli salynyp bitedi dep josparlanyp otyr. Quny 80 mlrd teńge bolatyn aýqymdy joba iske qosylsa, munda 300-den astam jańa jumys orny paıda bolmaq.
Atalǵan zaýytta keıingi býyndy «KamAZ» jáne basqa da aýyr júk kólikteri úshin shoıynnan quıylǵan beldeme karterleri, sılındr bloktary men qozǵaltqysh sılındri blogynyń bastıekteri shyǵarylady. Kásiporyn óndiristik qýatyna tolyq kóshken soń, munda jylyna jalpy kólemi 40 myń tonnadan astam aýyr júk kólikterine arnalǵan shoıyn qosalqy bólshek jasalady. Onyń 95 paıyzyn eksportqa jóneltý kózdelip otyr.
Qostanaı oblysy
