Ony Jaıyq-Kaspıı oblysaralyq basseındik balyq sharýashylyǵy ınspeksııasy men Atyraý mamandandyrylǵan tabıǵat qorǵaý prokýratýrasy qyzmetkerleriniń birlesken reıd kezinde anyqtady. «Bekire-2021» balyq qorǵaý aksııasy aıasynda Kaspıı teńiziniń soltústik jaǵalaýyn áýeden barlaý úshin birlesken reıdke tikushaq tartyldy.
«Reıd kezinde Jylyoı aýdanyndaǵy «Tereń-О́zek» ken ornyna jaqyn jerde, qamys qopasynyń arasynan ýaqytsha «qonys» tabylǵan. Onda birneshe adamǵa arnalǵan tósek-oryn jabdyǵy, gaz ballony, azyq-túlikter men sý qory, qural-saımandar jıyntyǵy, avtomobıl akkýmýlıatory, fonarlar, qýattaǵysh qurylǵylar, rasııa men bir uńǵyly myltyq bolǵan. Ýaqytsha «qonystyń» janynda jol talǵamaı júrýge laıyqtalǵan 2 kólik turǵan. Sý jaǵasynda 3 rezeńke qaıyq baılanǵan. Sondaı-aq, 7 qapqa qytaılyq aý salynǵan» dep habarlady Balyq sharýashylyǵy komıtetiniń baspasóz qyzmeti.
Kaspıı jaǵasynan tabylǵan kóliktiń biri, sondaı-aq, rezeńke qaıyqtar men balyq aýlaý quraldary salynǵan sómkeler Atyraý qalasyna jetkizildi.
