Baýyrjan Qalmuhameduly 1974 jyly Ońtústik Qazaqstan oblysynda dúnıege kelgen. Bilimi – joǵary, mamandyǵy - dene tárbıesi pániniń oqytýshysy jáne sport jattyqtyrýshysy, memlekettik basqarý bakalavry. Erkin kúresten QR Eńbegi sińgen jattyqtyrýshy.
Qyzmet joly 1991 jyly №1 balalar men jasóspirimder sport mektebiniń jattyqtyrýshysy bolýdan bastalǵan. Keıinnen túrli jyldar aralyǵynda Saıram aýdandyq bilim berý jáne sport bóliminde bólim meńgerýshisiniń orynbasary, bólim basshysy, OQO sport bóliminiń basshysy bolǵan. 2013-2017 jyldary OQO dene shynyqtyrý jáne sport basqarmasy basshysynyń orynbasary laýazymynda jumys jasady.
2017 jyly OQO jekpe-jek sport túrlerinen olımpıada rezerviniń mamandandyrylǵan balalar-jasóspirimder sport mektebiniń dırektory, 2018 Shymkent qalasynyń Olımpıada rezervin daıarlaý ortalyǵynyń dırektory.
2020 jyldan búginge deıin Shymkent qalasynyń dene shynyqtyrý jáne sport basqarmasy basshysynyń orynbasary qyzmetin atqaryp keldi.
