Almaty oblysy tótenshe jaǵdaılar departamentiniń baspasóz qyzmeti avtokóliktiń 3 maýsymda Eńbekshiqazaq aýdanyndaǵy Almaty-Qorǵas tas jolynyń 82-shi shaqyrymynda órtengenin rastady.
«Aqparat saǵat 17.59-da kelip tústi. Oqıǵa ornyna dereý tórt qyzmetker men bir tehnıka jetti. Sondaı-aq órt sóndirý beketi oqıǵa ornynan 45 shaqyrym qashyqtyqta bolǵan. Kólikten eki jolaýshynyń órtenip ketken denesi tabyldy. О́rttiń sebebi anyqtalyp jatyr», dep habarlady vedomstvo ókilderi.
Sondaı-aq, tótenshe jaǵdaılar departamenti órttiń shyǵý sebebin anyqtaý úshin oqıǵa ornyna órt-synaq zerthanasy shaqyrylǵanyn atap ótti. Oqıǵanyń mán-jaıyn tıisti organdar tekserip jatyr.
