Ǵımaratty rekonstrýksııalaý ótken jyly bastalǵan edi. Qysqa merzim ishinde munda «bir tereze» qaǵıdaty boıynsha áleýmettik qyzmet alýshylarǵa jaıly jaǵdaılar jasalyp otyr.
Baqytjan Saǵyntaev memlekettik organdar men qarjy ınstıtýttarynyń ıntegrasııasy áleýmettik qyzmet kórsetýdiń sapasyn jańa deńgeıge kóteretinine senim bildirdi.
«Qalalyqtardy áleýmettik damytý jáne qoldaý – «Almaty-2050» damý Strategııasynda kórsetilgen Almaty ákimdiginiń basty jáne strategııalyq mindeti. Bizdiń maqsatymyz — Almatyny teń múmkindikter ári ınklıýzıvti tulǵaǵa baǵyttalǵan ortalyqtanǵan qala jasaý», - dep atap ótti ol.
Osy maqsatqa jetý úshin áleýmettik baǵdarlanǵan bıýdjet qalyptasýda, onyń 46%-y bıylǵy jyly áleýmettik salany damytýǵa jumsalatyn bolady.
Bıylǵy jyly áleýmettik qoldaýǵa 25 mıllıard teńge bólinip, 124 myń adam (áleýmettik kómek - 7,1 mlrd., arnaýly áleýmettik qyzmetter - 4,6 mlrd., múgedekterdi áleýmettik qorǵaý - 5,6 mlrd., halyqty jumyspen qamtý - 6,1 mlrd, belsendi uzaq ómir, baqytty otbasy - 954 mln shyńǵa órleý, táýelsiz mektep ómiri – 406 mln teńge) qamtylatyn bolady.
Múmkindigi shekteýli tulǵalardyń esh kedergisiz kirýleri úshin ǵımarat kótergish qurylǵysymen jabdyqtalǵan. Birinshi qabattaǵy keń operasııa zalynda kelýshilerdi Almaty qalalyq Áleýmettik ál-aýqat, Turǵyn úı saıasaty basqarmalarynyń, Almatynyń Jumyspen qamtý ortalyǵynyń, Azamattarǵa arnalǵan úkimettiń «HQKO»-nyń «Zeınetaqy tóleýdiń memlekettik ortalyǵy» AQF-nyń, Almaty polısııasy departamentiniń kóshi-qon qyzmeti basqarmasynyń, Almaty qalasy boıynsha eńbek Komıtetiniń, áleýmettik qorǵaý jáne kóshi-qon departamentiniń keńesshileri qabyldaıdy.
Ekinshi qabatta Almatynyń Jumyspen qamtý ortalyǵynyń operasııa zaly jáne bek-ofıs ornalasady, ótinish berýshiler qolaıly jumys oryndaryn, al jumys berýshiler ózderine kerek jumysshylardy taba alady.
Munda kásip tańdaý kezinde kásibı baǵdar berý, kásibı daıarlaý, jumyssyz azamattarǵa qaıta daıarlaý, biliktiligin arttyrý, «Bastaý-Bıznes» baǵdarlamasy boıynsha oqýǵa joldama jáne tegin granttar berý boıynsha konsýltasııalyq qyzmetter usynylady.
Úshinshi jáne tórtinshi qabattarda Almatynyń Áleýmettik ál-aýqat basqarmasy, Turǵyn úı saıasaty basqarmasynyń páterlerdi bólý bólimi jáne «Adaldyq alańynyń» halyqqa qyzmet kórsetý aımaǵy oranalaspaq. Besinshi qabatta Almatynyń Turǵyn úı saıasaty basqarmasynyń túrli bólimderi jáne ártúri sharalar ótkizetin kópbeıindi akt zaly bar.
Áleýmettik qyzmet kórsetý úıine túrli ómirlik qıyn jaǵdaılarǵa, onyń ishinde kelispeýshilikterge tap bolǵan kóptegen azamattar keletindigi eskerilip, ortalyqta advokat pen psıholog bólmeleri qarstyrylǵan. Balalarmen kelgen qonaqtarǵa yńǵaıly bolý úshin oıyn alańy da qarastyrylǵan.
Buryndary múgedekter áleýmettik qyzmet kórsetetin uıymdarǵa barý úshin úlken qıyndyqtarǵa tap bolatyn. Endi olarǵa qaǵazbastylyq pen ákimshilik kedergiler joıylǵan ári tıisti prosedýralardy iske asyrý jáne barlyq qujattarǵa bir jerden qol qoıý múmkindikteri týyp otyr.
Áleýmettik qyzmet kórsetý úıi damyǵan kólik ınfraqurylymy bar Dostyq dańǵylynyń boıyna ornalasqan, janynda metronyń «Abaı» beketi bar, baǵyttar boıynsha 7 avtobýs jáne 3 trolleıbýs júredi. Iаǵnı, qala turǵyndary Áleýmettik qyzmet kórsetý úıine qalanyń kez-kelgen núktesinen bara alady.
