Álem • 04 Maýsym, 2021

Koronavırýs: Álemdegi ahýal qandaı?

107 ret kórsetildi

Qytaı azamattaryna jappaı Sovid-19-ǵa qarsy ekpe egiledi, dep habarlaıdy Egemen.kz.

Kún saıyn Qytaıda shamamen 19 mıllıon turǵyn koronavırýstyq ınfeksııaǵa qarsy ekpe salady. Osylaısha, QHR-ǵa 704 mıllıonnan astam vaksına jetkizildi. Bul álemde óndirilgen 1,9 mıllıard vaksına dozasynyń úshten bir bóligin quraıdy. Qytaı bıligi jyl sońyna deıin el halqynyń 80% ımmýndaýdy josparlap qoıǵan. Resmı málimetter boıynsha  Beıjińde turǵyndardyń 87% kem degende ekpeniń birinshi komponentin saldyrǵan.

Eýropa koronavırýstyq ınfeksııaǵa baılanysty engizilgen karantınnen zardap shekken jeke bıznesti qoldaýǵa kúsh jumsaýda. Germanııada pandemııa kezinde zardap shekken kásipkerlerge qoldaý kórsetýge baǵyttalǵan qarjylyq sharalar uzartylatyn bolady. Sońǵy kelisimderge kelesi aptada qol jetkiziledi. Bızneske qarjylyq járdemaqyny bólýdiń buǵan deıingi merzimi 30 maýsymda aıaqtalmaq.

Soltústik Amerıka KVI-di juqtyrý oqıǵalarynyń sany azaıýda. Djons Hopkıns Ýnıversıtetiniń málimeti boıynsha, sońǵy táýlikte ınfeksııany juqtyrýdyń 16 558 jańa jaǵdaıy anyqtaldy. Bul bir apta burynǵy kórsetkishke qaraǵanda 7 400-jaǵdaıǵa kem. Sońǵy ret aýrýdyń maksımaldy táýliktik ósimi 2 qańtarda tirkelgen bolatyn. Ol kúni koronavırýstyq ınfeksııany 300 462 adam juqtyrǵan. Al 12 qańtarda indetten mert bolýdyń eń úlken kórsetkishi tirkeldi. Bul kúni aýrýdan 4 477 adam qaıtys boldy. Pandemııa bastalǵannan beri AQSh-ta COVID-19 juqtyrýdyń 33,3 mıllıon jaǵdaıy anyqtalsa, indetten 595 myńnan astam naýqas qaıtys boldy.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar