Baýyrdyń ragyn emdeý úshin ota kezinde hırýrgtarǵa kóbine isikti tolyǵymen hırýrgııalyq jolmen alyp tastaý tıimdi. О́ıtkeni, baýyrdyń isigine jasalatyn ota kúrdeli, sol sebepti de bul operasııalar isiktiń kólemine qaraı jeti saǵatqa deıin sozylýy múmkin.
Qazir qaladaǵy onkologııalyq ortalyqta baýyrdyń isikteri kezinde jasalynatyn álemdik tájirıbedegi otalyq emniń barlyq túrleri engizilgen. Sońǵy jyldarda hırýrgııa bólimshesiniń onkohırýrgtary 79 ota jasaǵan. Onyń ishinde: 13 oń jaqty gemıgepatektomııa, 11 sol jaqty gemıgepatektomııa, 26 baýyrdyń atıpııalyq rezeksııalary, 8 oń artqy baýyr sektorektomııasy (baýyr VI, VII segmentteriniń rezeksııasy), 1 oń aldyńǵy baýyr sektorektomııasy (baýyr V, VIII segmentteriniń rezeksııasy), 20 basqa da operasııalardyń túrleri bar.
Aıta ketý kerek, ortalyqtyń mamandary, ota túrin jetik meńgerý úshin, Monǵolııa, Fransııa, Koreıa elderindegi aýrýhanalarda oqyp, biliktilikterin jetildirgen.
Qazirgi tańda bilikti dárigerlerdiń emdeý mekemesinde baýyr isikterine shaldyqqan naýqastarǵa jedel kómek kórsetýdi jetildirý maqsatynda kúndelikti jumystar qarqyndy júrgizilýde.
