Oblystyq polısııa departamenti baspasóz qyzmetiniń málimetine súıensek, 17 mamyrdan beri «Qarý» jedel-profılaktıkalyq is-sharasy ótip jatyr.
«Is-sharany ótkizýdegi maqsat – atys qarýyn, jarylǵysh zattardy qoldaný arqyly jasalatyn qylmystardy ashý jáne aldyn alý, sondaı-aq, qarý ıeleriniń qarýdy paıdalaný, ustaý jáne saqtaý talaptaryn oryndaýyn tekserý. Polısııa qyzmetkerleri Atyraý qalasy aýmaǵyndaǵy 79 qystaq pen turǵylyqty meken-jaıy boıynsha 2 641 qarý ıesin tekserdi. Osy kezge deıin 222 quqyq buzýshylyq anyqtalyp, 132 qarý tárkilendi. Onyń ishinde 120 tegis uńǵyly ańshylyq, 5 ıir oıyqty qarý men 7 gaz tapanshasy bar. Qarýdy zańsyz saqtaǵany úshin 6 azamat qylmystyq jaýapkershilikke tartyldy», dep habarlady departamenttiń baspasóz qyzmeti.
Sonymen birge, 191 azamatqa qatysty QR Ákimshilik quqyqbuzýshylyq týraly Kodeksiniń 484-babymen (Azamattyq, qyzmettik, marapattyq, kolleksııalyq qarýdy, onyń patrondaryn ıelený, berý, esepke alý, saqtaý, paıdalaný, tasymaldaý, Qazaqstan Respýblıkasynyń aýmaǵyna ákelý, Qazaqstan Respýblıkasynyń aýmaǵynan áketý jáne QR aýmaǵy arqyly tranzıtpen ótkizý tártibin buzý), 31 azamatqa qatysty atalǵan Kodekstiń 486-babymen (Azamattyq, qyzmettik, marapattyq, kolleksııalyq qarýdy tirkeý (qaıta tirkeý) ne ony esepke qoıý tártibin buzý) ákimshilik hattama toltyryldy.
