Alaıaq fırmanynyń áreketin Qaraǵandy oblysy boıynsha Ekonomıkalyq tergeý departamenti áshkereledi. Uıymdastyrýshy áıel qarjylyq uıymdy byltyr ashyp, bıznesin jeke páterde júrgizgen. Aıǵaq zattar dál osy úıden tárkilendi. Qarjy pıramıdasynyń shyǵyn kólemi 80 mıllıon teńgeden asady.
«Qaraǵandy oblysy boıynsha Ekonomıkalyq tergeý departamenti «Lıder Kapıtal 168» atty qarjy pıramıdasynyń qyzmetin toqtatty. Uıymnan zardap shekken azamattardan tez arada habarlasýyn suraımyz. Atalǵan derek boıynsha QK-niń 217-baby 1-bóligi, ıaǵnı qarjy pıramıdasyn qurý jáne oǵan basshylyq etý babymen sotqa deıingi tergeý bastaldy», dedi Qaraǵandy oblysy boıynsha ETD 2-tergeý basqarmasynyń aǵa tergeýshisi Dana Baıdúısenova.
