О́tken jyldan bastap, agenttikke joǵary kiristilik kepildigine ýáde bere otyryp, klıentterdiń aqshasyn ınvestısııalyq maqsattar úshin tartatyn lısenzııalanbaǵan kompanııalardyń qyzmeti máseleleri boıynsha 40-tan astam shaǵym men ótinish kelip túsken.
«Osyndaı kompanııalar kóp jaǵdaıda offshorlyq aımaqtarda tirkelgen jáne olardyń qarjy retteýshisiniń qarjy naryǵyndaǵy qyzmetti júzege asyrýǵa arnalǵan lısenzııasy joq. Olar klıentterge konsýltasııa berýdi usynady jáne óz servısteri arqyly qarajatty ınvestısııalaý boıynsha oqytý júrgizedi. Qazaqstan aýmaǵynda atalǵan kompanııalar negizinen qashyqtan, ókildikter men fılıaldar, ne senimhat boıynsha ókilder arqyly jumys isteıdi», delingen habarlamada.
Agenttiktiń málimdeýinshe, bul uıymdardyń jumys isteý shemasy klıentke shetel valıýtasymen jáne ózge de qarjy quraldarymen operasııalar jasaý úshin jabyq ınternet servısterge jáne saýda platformalaryna qashyqtan kirý beriletinin boljaıdy. Mundaı platformalarda klıentter ózderiniń jeke kabınetinde óz qarajatynyń «ulǵaıýyn» baıqaýy múmkin. Klıent «tapqan» kirisin alýǵa áreket jasaǵan kezde, bul kompanııalar aqshany qaıtarǵany úshin qosymsha syıaqy talap ete otyryp klıentke onyń aqshasyn qaıtarýdan jaltarady, ne qandaı da bir sebeptermen klıentterdiń shottarynyń negizsiz «kúshin joıady», bul da alaıaqtyq áreketter belgisine ıe.
«Osyndaı kompanııalardyń bank salymdary boıynsha syıaqynyń aǵymdaǵy mólsherlemesinen kóp asatyn joǵary paıdany ýáde ete otyryp, óz qyzmetterin negizinen áleýmettik jeli arqyly agressıvti túrde jarnama jasaıtynyna nazar aýdarǵan jón.
Osyǵan baılanysty, agenttik Qazaqstan azamattaryn agressıvti jarnamaǵa berilmeýge shaqyrady jáne túsinikti ári aıqyn quqyqtyq rejımi bar kompanııalarmen jumys isteýge usynym beredi», delingen habarlamada.
Ýákiletti organnyń QR baǵaly qaǵazdar naryǵynda qyzmetpen aınalysýǵa lısenzııalary bar brokerlik/dılerlik uıymdardyń tizimi agenttiktińsaıtynda ornalastyrylǵan.
Atalǵan kompanııalardyń qyzmeti Qazaqstan Respýblıkasynyń zańnamasynda qatań túrde reglamentteledi. Agenttik oıynshylardyń qyzmetin baqylaý men qadaǵalaýdy júzege asyrady jáne bul kompanııalardyń qyzmetin tutynýshylardyń quqyǵy men zańdy múddesin qorǵaýdyń tıisti deńgeıin qamtamasyz etedi. «Lısenzııalanbaǵan kompanııalardyń qyzmetine baılanysty azamattardyń táýekelderin boldyrmaý úshin agenttik azamattardyń shaǵymdary kelip túsken kompanııalardyń tizbesi men saıttaryn jarııalady.
Sonymen birge agenttik ózderin «ınvestısııalyq kompanııalar» retinde kórsetetin uıymdarmen sharttyq qatynastarǵa túsken kezde IOSCO halyqaralyq Baǵaly qaǵazdar jónindegi komıssııalardyń halyqaralyq uıymynyń habarlamasy jáne eskertýimen tanysýdy usynady.
Sondaı-aq qarjy quraldarymen saýda-sattyq jasaýdyń túrli naryqtyq, kredıttik, valıýtalyq táýekeldermen qatar júretinin este ustaǵan mańyzdy.
Osyǵan oraı, ınvestorlarǵa ınvestısııalardy lısenzııalanǵan qazaqstandyq kompanııalar arqyly júzege asyrýdy usynym beremiz», delingen habarlamada.
