О́zderin Covid-19 ınfeksııasynan qorǵaý úshin dárigerler, muǵalimder, quqyq qorǵaý salasynyń qyzmetkerleri aldyn ala kezekke turyp ekpe alyp jatyr. Áý bastaǵydaı ekpege úrke qaramaıdy. Qaýiptiń aldyn alý úshin istelip jatqan shara ekenin túsingendeı turǵyndar. Aýyl turǵyndary da dendegen dertten qutylýdyń bir joly ekpe desedi. Altaı aýdany, Sredıgornoe orta mektebiniń muǵalimi Alena Sychýk «HHI ǵasyr obasynan» qutylýdyń basqa quraldary joq dep baryp ekpe alǵan.
– Árkimniń pikiri ártúrli. Ekpeniń paıdasy bolmasa zııany joq. Qaı memleket óz eline jamandyq jasaıdy?! О́z densaýlyǵym men aınalam úshin baryp, vaksına aldym. Indettiń emi shyqqanyna óte qýanyshtymyn. Bári bir kisideı ekpe alsa eken. Basty baılyq – densaýlyq emes pe?! – deıdi orta mektep muǵalimi.
Aıta keterligi, Altaı aýdanynda muǵalimder vaksınany alǵashqylardyń biri bolyp aldy. О́ıtkeni olardyń qyzmeti balalarmen tyǵyz baılanysty. Osy oraıda aýdandyq bilim bóliminiń kásipodaǵy muǵalimderge Alakólde tynyǵyp qaıtýǵa 20-dan astam joldama bóldi.
«Kazsınk» JShS kompanııasynyń kásipodaǵy óz tarapynan ekpe alýǵa óz erkimen nıet bildirgen jáne vaksınanyń ekinshi komponentin alǵan qyzmetkerlerge syıaqy taǵaıyndady. Qyzmetker aıaqasty naýqastanyp, jumysqa kele almaı qalsa da jalaqy tolyq tólenedi. Sondaı-aq 50 paıyzdyq jeńildikpen týrıstik bazalarǵa joldamalar usynylady. Sondaı-aq ekpe alǵandar úshin jattyǵý zaly tegin bolady.
– «Kazsınk» JShS kompanııasynyń basshylyǵy birinshi kezekte jumysshylardyń densaýlyǵyna alańdaıdy. Bári bilikti mamandar. Sondyqtan atalǵan kásiporynnyń qyzmetkerleri ekpe alýǵa belsendi qatysty. Jumysshylarǵa yńǵaıly bolýy úshin mekemeniń ishinde egý pýnkti ornalastyryldy, – deıdi Altaı qalasynyń «Kazsınk» JShS qyzmetkerleri kásipodaǵynyń tóraıymy Natalıa Gorbacheva.
Jalpy Shyǵys Qazaqstan oblysynda ekpe egý jumystary qarqyndy júrip jatyr. Onyń ústine jaz maýsymynda demalys oryndaryna ekpesi bar azamattardy ǵana kirgizbek. Qoǵamdyq oryndarda Ashyq jobasy da iske qosyldy.
Shyǵys Qazaqstan oblysy,
Altaı aýdany
