Aqyndar men batyrlarǵa baı Tarbaǵataıdy tarıhı, shejireli ólke deıtinimiz – áıgili Yrǵyzbaı babanyń kesenesi sonda. Bóritostaǵan taýy da Tarbaǵataı dalasynyń tósinde jatyr.
Shejireli topyraqta ósip-óngen ónerpazdardan quralǵan 22 shyǵarmashylyq ujym bar búginde. Mádenıet oshaqtarynyń sany da jıyrmadan asyp jyǵylady. Sannan buryn sapa bar munda. О́ńirden kúmis kómeı ánshi de, dáýlesker kúıshi de shyqqan. Sýretshiler men qolóner sheberleriniń jumystary da tańdaı qaqtyrady.
О́skemendikter Tarbaǵataı aýdanynyń daryndaryn óner mýzeıinde tamashalady. Kórmede aýdannyń belgili sýretshiler dınastııasy Álibek, Ádilet Shoqanovtardyń peızaj janryndaǵy jumystary, sýretshiler Erkebulan Jákishevtiń «Kúmis jańbyr», Meıir Jetpisovtiń «Týǵan jer», Erkin Súleımenovtiń «Abylaı han» kartınalaryna qarap, qazaq dalasyna sapar shekkendeı kúıde bolasyz. Qolóner sheberleri Elaman Qujımanovtyń ulttyq aspaptary, Marat Ábilqasymov, Rınat Sálmenovtiń at ábzelderi, Aınur Jumabekqyzy men Jansaıa Ábilǵazınovanyń ulttyq qolóner buıymdary shynaıy sheberlikpen jasalǵany kórinip tur.
Tarbaǵataı aýdany ejelden jyraýlar men Altaı-Tarbaǵataı án-kúı dástúrli mektebiniń ordasy bolǵandyqtan, festıvalda «Babalar sazy» etno toby, dástúrli ánshi Aıan Sádýaqasov óner kórsetti.
Aıta ketsek, Tarbaǵataıdyń kórmesi 27 maýsymǵa deıin jalǵasady. Aldaǵy ýaqytta aýdandar arasynda ótip jatqan «Dala dıdary» baıqaýynyń qazylar alqasy úzdik jumystardy tańdap, marapattaıtyn bolady.
О́SKEMEN
