Elorda • 08 Maýsym, 2021

Elorda qazaqylanyp keledi – Altaı Kólginov

76 ret kórsetildi

Elorda ákimi Altaı Kólginov «Egemen Qazaqstan» gazetine bergen suhbatynda qalanyń rýhanı damýy, qazaqylanýy baǵytynda atqarylyp jatqan jumystar týraly aıtty, dep habarlaıdy Egemen.kz.

Elorda qazaqylanbaı, el qazaqylanbaıdy. Qalany qazaqylandyrý úshin eń aldymen tildik orta kerek deıtin bolsaq, onda jyl saıyn aýyldardan kelip qonystanyp jatqandar kóp. Alaıda aýlada, kóshede balalardyń ózge tilde sóıleıtinine kýá bop júrmiz.

Osy oraıda qala ákimdigi tarapynan jalpy ult rýhanııatyna qatysty qandaı sharýalar atqaralyp jatyr? degen jýrnalıstiń suraǵyna bas shahardyń ákimi Altaı Kólginov jaýap berdi.

«Memleket tarapynan atqarylyp jatqan jumystar týraly aıtsam, naǵyz rýhanı jańǵyrýdy basymyzdan ótkerip jatyrmyz desek, artyq aıtqanymyz emes. Elordadaǵy jańa kóshelerge Ábish Kekilbaıuly, Farıza Ońǵarsynova esimderi berilse, qaladaǵy birneshe mektep ult zııalylarynyń atymen atala bastady», dedi Altaı Kólginov.

Ákimniń aıtýynsha, byltyr oqý oryndaryna Ahmet Baıtursynuly, Beıimbet Maılın, Shákárim Qudaıberdiuly, Jumabek Tashenov, Máshhúr Júsip, Ilııas Jansúgirov, Mirjaqyp Dýlatuly, Álıhan Bókeıhan, Sáken Seıfýllınderdiń esimderi berildi.

Bıyl da ult zııalylarynyń esimderi jańa mektepterge berilýi úshin respýblıkalyq onomastıkalyq kommısııanyń sheshimin kútip otyr eken.

«Bul óskeleń urpaqqa óte qajet dúnıe. Álem ustazdarynyń biri ál-Farabı men uly Abaıdyń mereıtoılary da karantın talaptary saqtala otyryp atap ótildi. As ta tók toı toılaıtyn emes, taǵylym alyp oı oılaıtyndaı etip ótkizildi dep esepteımin. Pandemııaǵa deıin ulttyq ónerimiz – aıtys turaqty bolyp turdy. Elorda aqyn-jazýshylary bas qosatyn «Jazýshylar úıi» Jazýshylar odaǵynyń astanalyq bólimine berildi», deıdi elorda ákimi.

Sonymen qatar Altaı Kólginov búginde onda qala zııalylary túrli kezdesýler ótkizip, ult rýhanııatyna óz úlesin qosyp jatqanyn tilge tıek etti.

«Oń jaǵalaýda «Qalamgerler alleıasy» ashyldy. Ol jerde asyldarymyz, úsh báıterek – Ilııas, Sáken, Beıimbet eskertkishteri tur. Endigi kezekte osy jerde ult zııalylary, Alash qaıratkerleri Mirjaqyp Dýlatov, Álıhan Bókeıhan jáne Ahmet Baıtursynulyna eskertkishter ashý jospary bar. Bul ult sanasyn jańǵyrtý jolynda óte mańyzdy qadam dep bilemiz. Kúni keshe, 8 mamyr kúni elordanyń týmasy, dańqty batyr, ushqysh Talǵat Bıgeldınovtiń eskertkishi ashyldy», deıdi ol.

Budan ózge, ákim bıyl Ybyraı Altynsarın, Dına Nurpeıisova, Qanysh Sátbaev syndy ult ardaqtylary da umytylmaıtynyn jáne jaqynda taǵy da 40-tan astam kósheniń ataýy aýysqanyn basa aıtty.

Sońǵy jańalyqtar

Sal-seriniń sońy

Qazaqstan • Búgin, 21:30

Jazda lager jetispeıdi

Qoǵam • Búgin, 21:27

GGG – CANELO: Er kezegi úshke deıin...

Kásipqoı boks • Búgin, 21:19

Alash ardaqtysyn túrki álemi ulyqtady

Ahmet Baıtursynuly • Búgin, 21:09

Shabandoz taqym qysyp oqıtyn jyr

Ádebıet • Búgin, 21:08

Bizdiń Saıyn

Ádebıet • Búgin, 21:06

Shavqat jeńiske jetti

Sport • Búgin, 21:05

Maǵjannyń qarasózderi

Ádebıet • Búgin, 21:05

Saf aýadaǵy serýen

Egemen Qazaqstan • Búgin, 21:02

Uqsas jańalyqtar