«QR QIJK-niń 55, 56, 151, 152-baptaryn basshylyqqa ala otyryp, sot mynany qaýly etti: Eljan Amantaıuly Birtanovqa qatysty úıqamaq túrindegi bultartpaý sharasynyń merzimi 2021 jylǵy 14 maýsymnan bastap 14 shildeni qosa alǵanda 9 aıǵa uzartylsyn. Kúdiktiniń qorǵaýshylary men advokattarynyń ótinishi qanaǵattandyrýsyz qaldyrylsyn», dedi tergeý sotynyń sýdıasy Aqmaral Isaeva.
Eske sala keteıik, 8 maýsymda mamandyrylǵan aýdanaralyq tergeý sotynda eks-mınıstr Eljan Birtanovty úıqamaqta ustaý merzimin uzartý máselesi qaraldy. Prokýror sottan burynǵy mınıstr Eljan Birtanovty úıqamaqta ustaý merzimin 2021 jyldyń 14 shildesine deıin sozýdy surady.
Odan bólek, memlekettik aıyptaýshy Eljan Birtanovty úıqamaqta ustaý jaǵdaıyn kúsheıtip, jaqyn týystarynan basqa adamdarmen sóılesýine tyıym salýdy, sondaı-aq medısınalyq uıymdarmen baılanysýdy esepke almaǵanda, onyń úıden shyǵyýyna tyıym salýdy surady.
Sondaı-aq QR Bas prokýrorynyń orynbasary bul is boıynsha tergeý merzimin 2021 jyldyń 1 tamyzyna deıin uzartqany aıtyldy.
