2021 jyldyń 1 qyrkúıek pen 15 qarasha aralyǵynda 300-ge jýyq joıylý qaýpi bar dýadaqty aýlaýǵa ruqsat berilgen. Birikken Arab ámirlikteri jáne Katar ámirimen jasalǵan kelisimge saı, olar ár qus úshin 260 aılyq eseptik kórsetkish mólsherinde aqy tóleıdi. Memleketter erekshe qorǵalatyn aýmaqtarǵa qyzmet kórsetý úshin elimizge 2 mlrd dollar kóleminde ınvestısııa quıypty. 2008 jyldan beri arabtarǵa jek dýadaqqa suńqar salýǵa ruqsat berildi. Túsken qarajatqa 4 qoryq aımaǵy qurylǵan.
«Túrkistan oblysyndaǵy Shaıan aýdanynda pıtomnık salynǵan. Qazirgi tańda jylyna 5 myń bas jek dýadaqty baǵýǵa múmkindigi bar. Basqa da pıtomnıkterdiń osy jek dýadaqtyń kóshi-qon arealyndaǵy qustardy bizge ákelip, Qazaqstanǵa da jiberedi. Bizdiń pıtomnıkte jylyna 5000 bas shyǵarylyp otyrsa, bul kisilerdiń alatyny 300-ge jýyq», dep málimdedi QR Ekologııa mınıstrligi basqarmasynyń bas sarapshysy Asqar Abdrahmanov.
