Oqýshylardyń úshkúndik jarysy Altynsarın aýdanyndaǵy General Bákirov atyndaǵy saýyqtyrý lagerinde ótip jatyr.
Oblystyq bilim basqarmasynyń óńirlik dene tárbıesi ortalyǵynyń málimetinshe, atalmysh is-shara Qazaqstan Táýelsizdiginiń 30 jyldyǵy men uly aǵartýshy Ybyraı Altynsarınniń 180 jyldyǵyna oraı uıymdastyrylyp otyr.
Jarysqa oblystyń 20 óńirinen mektep jasyndaǵy balalardan quralǵan 12 komanda qatysýda. Búgin slettiń saltanatty ashylý rásimi ótti. Jas saıahatshylar men ólketanýshylar erteń qashyqty baǵyndyrý boıynsha «Kedergiler jolaǵy», «Týrıstik estafeta» jarystaryna túsedi. Sondaı-aq «Ekspress-gazetter», «Foto esepter», «Sporttyq týrızm tehnıkasy», «Kapıtandar saıysy», «Týrıstik ánder» atty baıqaýlar ótedi.
Qostanaı oblysy
