Ulttyq banktiń habarlaýynsha, dál qazirgi sátte Qazaqstannyń negizgi saýda áriptesteri bolyp tabylatyn elderde álemdik azyq-túlik baǵalarynyń ósýine jáne ınflıasııanyń jedeldeýine baılanysty syrtqy ınflıasııalyq qysymnyń saqtalýy baıqalady. Ishki ekonomıkada iskerlik belsendilik pen tutynýshylyq suranysty birtindep qalpyna keltirý prosesi jalǵasyp jatyr.
«2021 jylǵy mamyrdyń qorytyndysy boıynsha jyldyq ınflıasııa 7,2%-dy qurady. Azyq-túlikke jatpaıtyn taýarlar men aqyly qyzmetter baǵasynyń ósýi azyq-túlik naryǵyndaǵy dezınflıasııalyq prosestermen ishinara teńestirildi. Azyq-túlik ınflıasııasy baıaýlaýdy jalǵastyrdy jáne 2021 jylǵy mamyrdyń qorytyndysy boıynsha 9,3% (2021 jylǵy sáýirde 9,8%) boldy. Onyń aǵymdaǵy baıaýlaýy 2020 jylǵy ınflıasııanyń joǵary bazasyn esepteýden shyǵýǵa baılanysty. Bul rette jekelegen taýar naryqtarynda baǵanyń ósý úrdisi saqtalýda. Qosymsha proınflıasııalyq qysym 12 aı boıy jalǵasyp kele jatqan azyq-túliktiń álemdik baǵasynyń ósýine áser etedi», dep habarlaıdy Ulttyq bank.
Sondaı-aq mamyr aıynyń qorytyndysy boıynsha halyqqa kórsetiletin aqyly qyzmetter baǵasy 5,1 paıyzǵa bir-aq kóterilgen. Odan bólek kommýnaldyq qyzmet, jol-transport qyzmeti jáne jekelegen rettelmeıtin qyzmetterdiń de aqysy qymbattaǵan. Bul oraıda bas qarjylyq qadaǵalaýshy 2022 jyly ishki orta faktorlary áseriniń sarqylýy jáne syrtqy ınflıasııalyq qysymnyń álsireýin boljaıdy.
«Qytaı men EO-daǵy ınflıasııanyń alǵa qoıǵan nysanaly deńgeılerine qol jetkizbeý jáne álemdik azyq-túlik baǵalarynyń birtindep tómendeýimen Reseıdegi ınflıasııanyń 4% deńgeıinde turaqtalýy kútilýde. Negizgi saýda áriptes elderinen azyq-túlik pen azyq-túlikke jatpaıtyn ımporttyń joǵary úlesin eskere otyryp, bul elderdegi ınflıasııanyń birtindep turaqtanýy Qazaqstandaǵy ınflıasııany báseńdetýge jáne maqsatty 4-6% deńgeıine enýge kómektesedi. Ekonomıkanyń naqty sektoryndaǵy ahýaldyń birtindep jaqsarýy jalǵasýda. 2021 jylǵy qańtar-sáýir aılarynyń qorytyndysy boıynsha IJО́ ósimi jyldyq mánde 0,7%-dy qurady. Saýdada (5,7%-ǵa ósý), kólikte (tómendeý jyldamdyǵynyń -9,0% deıin baıaýlaý) qalpyna keltirý serpini baıqalady. О́ńdeý ónerkásibinde (7,7%), qurylysta (12,5%), aqparat pen baılanysta (11,1%) ósý qarqynynyń jedeldeýi baıqaldy», delingen Ulttyq bank habarlamasynda.
Qazirgi tańda álemdik ekonomıkadaǵy jaǵdaı oń serpinde qalyptasyp otyr. Álemde 2 mlrd-tan astam dozada vaksına engizý aıasynda epıdemııalyq jaǵdaıdyń jaqsarýyna baılanysty vaksınalaý deńgeıi joǵary elderde karantındik shekteýlerdi birtindep jeńildetý bastaldy. Bul faktor birqatar iri elderdiń qarqyndy aǵymdaǵy ekonomıkalyq ósýimen birge álemdik ekonomıkanyń damýyna qatysty halyqaralyq uıymdardyń boljamdaryn qaıta qaraýǵa alyp keldi.
Halyqaralyq valıýta qorynyń boljaýynsha, 2021 jyly álemdik ekonomıkalyq ósim 5,5-ten 6,0 paıyzǵa deıin kóterilmek. Jekelep qarar bolsaq, 2021 jyly EO ekonomıkasy 4,4%-ǵa, Qytaıdyń
IJО́-si 8,4%-ǵa ósedi. Alaıda qazirgi ýaqytta shıkizatty jetkizýge jáne shyǵyndarynyń ósýine baılanysty baıqalyp otyrǵan problemalar ekonomıkalyq ósýge qysym kórsetýi múmkin. Boljam boıynsha, bıyl Reseı ekonomıkasy 3,8%-ǵa ulǵaıady. Sondaı-aq Ulttyq bank álemdik munaı naryǵyndaǵy ahýalǵa da toqtalady.
«2021 jylǵy maýsym aıynyń basynda Brent surypty munaıdyń álemdik baǵasy bir barrel úshin 71 AQSh dollarynan asty. Elder júrgizetin vaksınalaý nátıjesinde suranystyń jyldam ósýimen, sondaı-aq jýyrda munaı óndirýdi birtindep ulǵaıtý jóninde qabyldanǵan sheshim aıasynda OPEK+ elderinen munaıdyń barynsha qalypty usynysymen baǵa birqalypty bolady. EIA baǵalaýy boıynsha, OPEK+ten tys elderde munaı óndirýdi birtindep ósirý nátıjesinde munaı baǵasy 2021 jylǵy ekinshi toqsannan keıingi aǵymdaǵy mánderden shamaly tómendeıtin bolady. 2021-2022 jyldar ishinde Brent surypty munaı baǵasy bir barrel úshin shamamen 60 AQSh dollary deńgeıinde bolady. Álemdegi aǵymdaǵy epıdemııalyq ahýaldy jáne halyqaralyq uıymdardyń boljamdaryn nazarǵa ala otyryp, Ulttyq bank aǵymdaǵy boljamdy raýndtyń bazalyq ssenarıı sheńberinde Brent surypty munaıdyń baǵasyn qaıta qarap, ony 2021-2022 jyldary ortasha eseppen 60 AQSh dollaryna deıin kóterdi», delingen boljamda.
Ulttyq bank bazalyq mólsherleme boıynsha kezekti josparly sheshimdi 2021 jylǵy 26 maýsymda Nur-Sultan qalasynyń ýaqyty boıynsha 15:00-de jarııalaıdy.
